Հայաստանի կառավարության այսօրվա որոշմամբ Սուրիկ Խաչատրյանը նշանակվեց Սյունիքի մարզպետ։
Որոշման նախագիծը Կառավարության նիստի օրակարգում ընդգրկվեց վերջին պահին, առավոտյան այն չկար: Սուրիկ Խաչատրյանը ներկա էր Կառավարության նիստին։
Սուրիկ Խաչատրյանը 1996-1999 թվականներին եղել է Գորիսի քաղաքապետը,
2004 թվականի մարտից զբաղեցրել է Սյունիքի մարզպետի պաշտոնը, որից հրաժարական է տվել անցած տարվա հունիսին՝ Գորիսում իր առանձնատան մոտ տեղի ունեցած արյունալի դեպքերից հետո, որոնց ժամանակ սպանվեց գործարար Ավետիք Բուդաղյանը:
Խաչատրյանի հրաժարականից հետո Սյունիքի մարզպետ էր նշանակվել Զանգեզուրի պղնձամոլիբդենային կոմբինատի տնօրենների խորհրդի նախագահ Մաքսիմ Հակոբյանի որդին՝ Վահե Հակոբյանը: Վերջինս էլ, այս ամսվա սկզբին ազատվելով մարզպետի պաշտոնից, նշանակվեց Տարածքային կառավարման նախարարության Ջրային տնտեսության կոմիտեի նախագահ:
Սարգիս Հարությունյան
Տվյալ թեմայով առավել մանրամասն տե՛ս այստեղ։
