Ֆուտբոլի Եվրոպայի 2024 թվականի առաջնության որակավորման մրցաշարի վերջին խաղում Հայաստանի ազգային հավաքականը Զագրեբում 0:1 հաշվով պարտվեց Խորվաթիային։
Միակ գոլի հեղինակ դարձավ Անտե Բուդիմիրը՝ 43-րդ րոպեին։
Հայաստանի ընտրանին D խմբի մրցաշարային աղյուսակում մնաց նախավերջին՝ 4-րդ տեղում։
Այս խմբից Եվրո-2024-ին մասնակցելու իրավունք վաստակեցին Թուրքիայի և Խորվաթիայի հավաքականները։
Եվրոպայի առաջնությանը կմասնակցեն նաև Իսպանիայի, Շոտլանդիայի, Ֆրանսիայի, Նիդերլանդների, Անգլիայի, Իտալիայի, Ալբանիայի, Չեխիայի, Բելգիայի, Ավստրիայի, Հունգարիայի, Սերբիայի, Դանիայի, Սլովենիայի, Ռումինիայի, Շվեյցարիայի, Պորտուգալիայի և Սլովակիայի, մրցաշարը հյուրընկալող Գերմանիայի հավաքականները։
