Ֆինլանդիայի կառավարությունը որոշել է ապրիլի 15-ից դադարեցնել Ռուսաստանի հետ սահմանին ծովային անցակետերի գործունեությունը, հայտնում է Ռուսաստանի մաքսային ծառայությունը։
Ապրիլի սկզբին Ֆինլանդիան երկարաձգեց Ռուսաստանի հետ իր ցամաքային սահմանի փակումը անորոշ ժամանակով մինչև հետագա ծանուցումը: Ֆինլանդիայի ՆԳՆ-ն որոշումը բացատրել է նրանով, որ Ռուսաստանը շարունակում է անօրինական միգրանտներ ուղարկել սահման։
Երկու երկրների սահմանին ցամաքային սահմանային անցակետերը Ֆինլանդիայի իշխանությունների որոշմամբ սկսեցին փակվել անցյալ տարվա նոյեմբերին՝ երրորդ երկրների քաղաքացիների հոսքի պատճառով, որոնք հիմնականում Մերձավոր Արևելքից և Աֆրիկայից սահմանային կետեր էին ժամանել Ռուսաստանի տարածքով և Ֆինլանդիայում քաղաքական ապաստան խնդրել։ Օրենքի համաձայն՝ դիմորդներին չի կարելի հետ ուղարկել, քանի դեռ չի ավարտվել նրանց դիմումի քննարկման ընթացակարգը:
Ներքին գործերի նախարարությունը սահմանի փակումն անվանել է ժամանակավոր և անհրաժեշտ միջոց։
