ԱՄՆ նախագահ Ջո Բայդենը, որ հեռախոսազրույց է ունեցել Իսրայելի վարչապետ Բենիամին Նեթանյահուի հետ, ասել է, որ կիրակի օրը «Մեծ յոթնյակի» ղեկավարների խորհրդակցություն կհրավիրի՝ համակարգելու դիվանագիտական արձագանքը Իրանի հարձակմանը: Նա քննադատել է հարձակումը Իսրայելի վրա։
Գազայում պատերազմից վեց ամիս անց և ավելի մեծ տարածաշրջանային պատերազմի վտանգի ֆոնին, Axios-ը մեջբերել է Սպիտակ տան բարձրաստիճան պաշտոնյայի խոսքերը, համաձայն որի՝ Բայդենը Նեթանյահուին նաև ասել է, որ ԱՄՆ-ն դեմ կլինի Իսրայելի ցանկացած հակահարձակման Իրանի դեմ:
ԱՄՆ պաշտպանության նախարար Լլոյդ Օսթինը հայտարարել է, որ Ամերիկան չի ձգտում հակամարտության Իրանի հետ, սակայն չի վարանի գործել՝ պաշտպանելու ամերիկյան զորքերը և աջակցելու Իսրայելի պաշտպանությանը:
Բայդենը, որն ուրբաթ օրը զգուշացրել էր Իրանին հարձակման մասին, դադարեցրել է հանգիստն իր հայրենի Դելավեր նահանգում և վերադարձել Վաշինգտոն՝ հանդիպելու ազգային անվտանգության իր խորհրդականների, այդ թվում՝ պաշտպանության և պետքարտուղարների հետ Սպիտակ տանը, խոստացել է կանգնել Իսրայելի կողքին:
«Իսրայելի անվտանգությանը մեր հանձնառությունը Իրանի և նրա վստահված անձանց սպառնալիքների դեմ երկաթյա է», - հանդիպումից հետո գրել է Բայդենը X-ում:
