Մոսկվան ողջունում է Հայաստանի և Ադրբեջանի արտգործնախարարների մայիսի 10-ին Ղազախստանում կայանալիք հանդիպումը, այսօր հայտարարել է Ռուսաստանի ԱԳՆ խոսնակ Մարիա Զախարովան։
Ռուսաստանի դիվանագիտական գերատեսչության ներկայացուցչի խոսքով՝ Մոսկվան պատրաստ է շարունակել այն աջակցությունը, որ «միտված է հայ-ադրբեջանական հարաբերությունների կարգավորման գործընթացում առաջընթացի արձանագրմանը»։
Նախարարները հանդիպելու են Ալմաթիում։
Միրզոյանն ու Բայրամովը մոտ կես տարվա դադարից հետո խաղաղության բանակցությունները վերսկսեցին մոտ երկու ամիս առաջ Գերմանիայում: Բեռլինում երկու օր տևած այդ քննարկումներից հետո, սակայն, Երևանն ու Բաքուն այդպես էլ շոշափելի առաջընթացի մասին չհայտարարեցին:
