«Մոլորակ» հանդես. աշխարհի անցուդարձը

«1915 թվականին Թուրքիայում կատարվածը ցեղասպանություն չէր», - Թուրքիայի վարչապետի հետ հանդիպման ավարտին հայտարարել է ստամբուլահայ համայնքի ամենահայտնի ներկայացուցիչներից մեկը, Թուրքիայի արտգործնախարարը հայտարարել է, որ պաշտոնական Անկարան պատրաստվում է բանակցել սփյուռքահայ կառույցների հետ, ԵԱՀԿ-ի գործող նախագահի անձնական ներկայացուցիչը խոսել է Ղարաբաղյան կարգավորման ներկա վիճակի մասին:

Թուրք իրավապահները պնդում են, որ Հրանտ Դինքի սպանությունը իշխանության դեմ դավադրության մի մասն էր, Իլհամ Ալիեւը Ղարաբաղյան բանակցությունների հիմնական մասը ավարտված է համարում` ասելով, թե միջնորդների առաջարկները հիմնականում համապատասխանում են Ադրբեջանի շահերին, Միացյալ Նահանգների Կոնգրեսը հավանություն տվեց առողջապահական համակարգի բարեփոխումների` Բարաք Օբամայի ծրագրին:

Հայ - թուրքական հարաբերություններ եւ Ղարաբաղյան բանակցություններ` ահա «Մոլորակ» հանդեսի այսօրվա թեմաները:

Թուրքիայի արտգործնախարարը հանդիպում է ունեցել խորհրդարանի արտաքին հարաբերությունների հանձնաժողովում` անդրադառնալով ԱՄՆ-ի Կոնգրեսի հանձնաժողովում եւ Շվեդիայի խորհրդարանում Հայոց ցեղասպանությունը ճանաչելու փաստերին ու դրանց հետեւանքներին, Ադրբեջանի արտգործնախարարը խոսել է Ղարաբաղյան կարգավորման գործընթացի մասին, Ռուսաստանում նախօրեին ընտրություններ անցկացվեցին:

Հինգշաբթի երեկոյան Շվեդիայի խորհրդարանը հաստատեց այն բանաձեւը, որով 1915 թվականին Օսմանյան կայսրությունում տեղի ունեցածը որակվեց որպես ցեղասպանություն, Վաշինգտոնում հրապարակվել է Միացյալ Նահանգների Պետդեպարտամենտի հերթական զեկույցը` նվիրված աշխարհի տարբեր պետություններում մարդու իրավունքների շուրջ ստեղծված կացությանը:

Այն բանից հետո, երբ Միացյալ Նահանգների Կոնգրեսի Ներկայացուցիչների պալատի արտաքին հարաբերությունների հանձնաժողովը ընդունեց Հայոց ցեղասպանությունը ճանաչող բանաձեւ, Թուրքիան վրդովված հետ կանչեց Վաշինգտոնում իր դեսպանին։ Թուրքերը Օբամայի վարչախմբին մեղադրում են բանաձեւի ընդունումը կանխելու համար բավարար ջանքեր չգործադրելու համար։

Երեւան է ժամանում Եվրամիության բարձրաստիճան պատվիրակությունը՝ կառույցում ներկայումս նախագահող երկրի՝ Իսպանիայի արտգործնախարար Միգել Անխել Մորատինոսի ղեկավարությամբ։ Հայաստանյան ղեկավարության հետ պատվիրակության հանդիպումները կսկսվեն երեքշաբթի առավոտյան: