To get best possible experiance using our website we recommend that you upgrade to a newer version or other web browser. A list of the most popular web browsers can be found below.
Just click on the icons to get to the download page
Սիրիայում վիճակը հետզհետե սրվում է, սակայն լիբանանահայ լրագրողի փոխանցմամբ, մարդկանց զանգվածային տեղաշարժ եւ արտագաղթ չկա։
Հանդեսի այսօրվա թողարկումը նախ անդրադառնում է Միացյալ Նահանգների պետքարտուղար Հիլարի Քլինթոնի` պետքարտուղարության աշխատակիցների հետ հանդիպմանն արած հայտարարություններին Հայոց ցեղասպանության մասին, ինչպես նաեւ դրա ժխտումը քրեականացնող օրինագիծն ընդունելու մասին Ֆրանսիայի Սենատի որոշման առնչությամբ:
Միջազգային իրադարձություններից հանդեսն այսօր անդրադարձել է Ստամբուլի դատարանի ժամանակավոր վճռին` ժամանակին հայերին պատկանող շենքի վերաբերյալ, Ադրբեջանի ընդդիմադիր դաշտի զարգացումներին, որտեղ փորձում են միավորվել ու առաջնորդ ընտրել, եւ Ռուսաստանի վարչապետի կարծիքին` երկրի ընդդիմության վերաբերյալ:
Ֆրանսիայում շարունակվում են Հայոց ցեղասպանության ժխտումը քրեականացնող օրինագծի շուրջ քննարկումները։ «Ռոստելեկոմը» պատրաստվում է մուտք գործել ինտերնետի հայաստանյան շուկա։ Վրաց միլիարդատեր Բիձինա Իվանիշվիլին մտադիր է անկախ հեռուստաալիք ստեղծել։
Միջազգային կարեւոր իրադարձություններից հանդեսն այսօր առանձնացրել է Իրանի ու ԱՄՆ-ի միջեւ հարաբերությունների սրմանն առնչվող զարգացումները եւ թուրք-ֆրանսիական արդեն լարված հարաբերությունների ֆոնին Ալժիրի վարչապետ Ահմեդ Ույահիի հայտարարությունը, որով նա Թուրքիան կոչ է դադարեցնել գաղութատիրական շրջանում Ֆրանսիայի կողմից հազարավոր ալժիրցիների սպանության թեմայով «քաղաքական կապիտալ» շահելու փորձերը։
Հանդեսոււմ այսօր տեղ են գտել նյութեր, որոնք պատմում են Միացյալ Նահանգների պաշտպանական նոր ռազմավարության մասին, որը երեկ ուշ երեկոյան ներկայացրել է նախագահ Բարաք Օբաման, Ուկրաինայի նախկին վարչապետ Յուլիա Տիմոշենկոյի ամուսնուն` Ալեքսանդր Տիմոշենկոյին Չեխիայում քաղաքական ապաստան տրամադրելու եւ Թուրքիայում «Էրգենեկոնի» գործով երկրի Զինված ուժերի Գլխավոր շտաբի նախկին պետ, գեներալ Իլքեր Բաշբուղի ձերբալակության մասին: