Հրդեհավտանգ իրավիճակ Հայաստանի մի շարք շրջաններում

Արարատյան դաշտում, նրա նախալեռներում, Սյունիքի եւ Տավուշի հովտային շրջաններում ձեւավորվել է բարձր կարգի հրդեհավտանգ իրավիճակ: Այդ մասին իր պաշտոնական կայքէջում զգուշացնում է Հայաստանի արտակարգ իրավիճակների նախարարությունը։

Նույն աղբյուրի փոխանցմամբ` երկրի տարածքում վաղը օդի ջերմաստիճանը կբարձրանա 2-4, օգոստոսի 30-31-ը` կնվազի 7-8 աստիճանով։ Օգոստոսի 28-29-ը սպասվում է առավելապես առանց տեղումների եղանակ, օգոստոսի 30-31-ը եւ սեպտեմբերի 1-ին հյուսիսային շրջաններում սպասվում են կարճատեւ անձրեւներ եւ ամպրոպներ: