Վրաստանի նախագահ Միխեիլ Սաակաշվիլին երեկ պաշտպանության նախարարությունում ներկայացրել է երկրի Զինված ուժերի Միավորված շտաբի նոր պետին` գնդապետ Իրակլի Դզնելաձեին։
«Գրուզիա օնլայն» ինտերնետային պարբերականի փոխանցմամբ` Դզնելաձեի թեկնածությունը համաձայնեցվել է նախագահի եւ պաշտպանության նախարար Իրակլի Ալասանիայի խորհրդակցությունների արդյունքում։
Շտաբի նորանշանակ պետը Վրաստանի զինված ուժերում ծառայում է 20 տարի։
Ներկայացնելով Դզնելաձեին` Սաակաշվիլին վստահություն է հայտնել, որ դատարանի որոշմամբ Միավորված շտաբի պետի պաշտոնից հեռացված Գիորգի Կալանդաձեի շուրջ «թյուրիմացությունները» կլուծվեն, եւ նա կվերադառնա աշխատանքի Զինված ուժեր։
Կալանդաձեն մեղադրվում է պաշտոնեական լիազորությունները չարաշահելու մեջ։ Նա նոյեմբերի սկզբին ձերբակալվել էր, ապա գրավի դիմաց ազատ արձակվել։
Նոյեմբերի 10-ին ընդունելով Գիորգի Կալանդաձեին` Վրաստանի նախագահը նրան հանձնարարել էր վերադառնալ ծառայության, սակայն օրեր անց դատարանը դատախազության պահանջով դադարեցրեց Կալանդաձեի լիազորությունները Միավորված շտաբի պետի պաշտոնում։
«Գրուզիա օնլայն» ինտերնետային պարբերականի փոխանցմամբ` Դզնելաձեի թեկնածությունը համաձայնեցվել է նախագահի եւ պաշտպանության նախարար Իրակլի Ալասանիայի խորհրդակցությունների արդյունքում։
Շտաբի նորանշանակ պետը Վրաստանի զինված ուժերում ծառայում է 20 տարի։
Ներկայացնելով Դզնելաձեին` Սաակաշվիլին վստահություն է հայտնել, որ դատարանի որոշմամբ Միավորված շտաբի պետի պաշտոնից հեռացված Գիորգի Կալանդաձեի շուրջ «թյուրիմացությունները» կլուծվեն, եւ նա կվերադառնա աշխատանքի Զինված ուժեր։
Կալանդաձեն մեղադրվում է պաշտոնեական լիազորությունները չարաշահելու մեջ։ Նա նոյեմբերի սկզբին ձերբակալվել էր, ապա գրավի դիմաց ազատ արձակվել։
Նոյեմբերի 10-ին ընդունելով Գիորգի Կալանդաձեին` Վրաստանի նախագահը նրան հանձնարարել էր վերադառնալ ծառայության, սակայն օրեր անց դատարանը դատախազության պահանջով դադարեցրեց Կալանդաձեի լիազորությունները Միավորված շտաբի պետի պաշտոնում։
