Շաբաթ, ապրիլի 30, 2016 Ժամանակը Երեւանում 13:00

    Լուրեր

    Սաակաշվիլիի հրաժարականի պահանջով ստորագրահավաք Ախալցխայում

    06.12.2012
    Վրաստանի հայաշատ Ախալցխա քաղաքում երկրի նախագահ Միխեիլ Սաակաշվիլիի հրաժարականի պահանջով ստորագրահավաք է սկսվել։

    «Գրուզիա օնլայն» ինտերնետային պարբերականի փոխանցմամբ` ակցիայի կազմակերպիչը «Միաբանություն հանուն հասարակայնության իրավունքների» կազմակերպությունն է, որի ակտիվիստները վրան են խփել քաղաքապետարանի շենքի առջեւ, եւ յուրաքանչյուր ցանկացող կարող է իր ստորագրությունը թողնել պահանջագրի տակ։

    Կազմակերպության Ախալցխայի շրջանային կառույցի ղեկավար Գուջա Բիճաշվիլին հայտնել է, որ վրանը այդտեղ կմնա երկու շաբաթ, զուգահեռաբար ստորագրահավաք կանցկացվի նաեւ ըստ բնակավայրի։ Մինչ այժմ կազմակերպությունը արդեն հավաքել է 800 ստորագրություն։

    Ախալցխան առաջին քաղաքն է, որտեղ «Միաբանություն հանուն հասարակայնության իրավունքների» կազմակերպությունը գրասենյակ է բացել։ Կազմակերպության նախագահ Միխայիլ Անդղուլաձեի խոսքերով` տարածաշրջաններում լայնամասշտաբ ակցիա է սկսվում։

    «Երկրում պետք է հաստատվի մեկ իշխանություն։ Վրաստանը ընտրել է մեկ իշխանություն, եւ երկրորդը նրան պետք չէ», - հայտարարել է Անդղուլաձեն։
    06 դեկտեմբերի 2012
    06 դեկտեմբերի 2012

    Օրացույց

    Ամենակարդացվողը