Ամերիկացի սենատորները նախագահ Բարաք Օբամայի աշխատակազմին կոչ են արել Ուկրաինայի իշխանություններին զենք ուղարկել:
Նրանք նշել են, թե դա անհրաժեշտ է, որպեսզի Ուկրաինան կարողանա պայքարել, ինչպես նշվում է, ռուսական ներխուժման դեմ։
«Վլադիմիր Պուտինը պետք է պատասխան տա ագրեսիայի համար»,- ասել է Սենատի միջազգային հարաբերությունների կոմիտեի ղեկավար Ռոբերտ Մենենդեսը։
Այսօր Մինսկում տեղի կունենա Ուկրաինայի հարցով շփման խմբի հանդիպում։ Հանդիպմանը կմասնակցեն Ուկրաինայի, Ռուսաստանի և ԵԱՀԿ-ի, ինչպես նաև ինքնահռչակ Դոնեցկի ներկայացուցիչները: