Մատչելիության հղումներ

Երևանում ձերբակալվել է «Զապ» մականունով հայտնի Անդրանիկ Սողոյանը


Չեխիա - Անդրանիկ Սողոյանը Պրահայի դատարանում, 18-ը հոկտեմբերի, 2010թ.
Չեխիա - Անդրանիկ Սողոյանը Պրահայի դատարանում, 18-ը հոկտեմբերի, 2010թ.

46-ամյա Անդրանիկ Սողոյանը (մականունը՝ «Զապ») սպանության և շորթման մեղադրանքներով Պրահայի մունիցիպալ դատարանի կողմից հեռակա դատապարտվել է 22 տարվա ազատազրկման: Հոկտեմբերի 20-ին Սողոյանի նկատմամբ Չեխիայի իրավապահ մարմինների կողմից տրվել է եվրոպական կալանքի սանկցիա, և հայտարարվել է միջազգային հետախուզում:

Հայաստանի ոստիկանության քրեական հետախուզության գլխավոր վարչության ծառայողները երեկ Երևանի Խորենացի փողոցից հայտնաբերել և բերման են ենթարկել Անդրանիկ Սողոյանին:

Ոստիկանության հաղորդագրության համաձայն՝ Սողոյանը ձերբակալված է, ինչի մասին հայտնվել է Հայաստանի գլխավոր դատախազությանը և Հայաստանում Ինտերպոլի ԱԿԲ-ին:

Անդրանիկ Սողոյանը, հիշեցնենք, 2009 թվականի ապրիլին ձերբակալվել էր Պրահայում, սակայն 2010-ի հոկտեմբերին Չեխիայի դատարանը նրան ազատ էր արձակել, և նա վերադարձել էր Գյումրի: 2011 թվականի ապրիլին Պրահայի գերագույն դատարանը լրացուցիչ քննության էր վերադարձրել Սողոյանի գործը:

Ուղիղ հեռարձակում

XS
SM
MD
LG