ԱՄՆ-ի Վերմոնթ նահանգի խորհրդարանը Հայոց ցեղասպանությունը ճանաչող բանաձև է վավերացրել:
Ամերիկայի Հայ դատի հանձնախմբի փոխանցմամբ՝ նահանգային խորհրդարանի նիստին մասնակցել և ելույթներ են ունեցել գրողներ Քրիս Բոհջալյանը և Դանա Ուոլրաթը:
Լոս Անջելեսի «Ասպարեզ» պարբերականը հիշեցնում է, որ Վերմոնթի նահանգապետ Ջեյմս Դագլասը համապատասխան հայտարարությամբ 2004 թվականի ապրիլի 24-ը հռչակել էր Հայոց ցեղասպանության նահատակների հիշատակի օր, և որ ամերիկյան 50 նահանգներից 42-ը պաշտոնապես ճանաչել են Հայոց ցեղասպանությունը: