Մատչելիության հղումներ

Եվրամիության դրոշներով Բաղրամյան պողոտա եկած Հայրիկյանին դիմավորեցին «Սադրի՛չ, հեռացի՛ր» կոչերով


Էլեկտրաէներգիայի թանկացման դեմ Բաղրամյան պողոտայում բողոքի ցույց անցկացնող ցուցարարներին այսօր ուշ երեկոյան այցելության եկավ ԱԻՄ առաջնորդ Պարույր Հայրիկյանը:

Ցույցի մասնակիցները սուլոցներով դիմավորեցին Հայրիկյանին և նրա ուղեկիցներին, ովքեր բացի հայկական եռագույնից, իրենց հետ բերել էին նաև Եվրամիության դրոշներ: Ցուցարարները պահանջում էին իջեցնել Եվրամիության դրոշները, լսվում էին՝ «Սադրի՛չ», «Հեռացի՛ր» և «Եռագո՛ւյն» կոչեր: Ցուցարարները պնդում էին, որ Բաղրամյանի բողոքի ակցիան Մայդան չէ և Եվրամիության դրոշների առկայությունն այստեղ տեղին չէ:

«Ազատության» հարցին՝ ինչո՞ւ է եկել Եվրամիության դրոշներով, Պարույր Հայրիկյանը պատասխանեց․ - «Որովհետև տղաները դիմել են Եվրոպական դատարան»:

Հիշեցնենք՝ հունիսի 23-ին Բաղրամյան պողոտայի վրա ոստիկանության կողմից էլեկտրաէներգիայի սակագնի բարձրացման դեմ նստացույցի մասնակիցների նկատմամբ ուժի կիրառումից տուժած 16 քաղաքացիներ շտապ կարգով հայց են ներկայացրել Մարդու իրավունքների եվրոպական դատարան։

Ի վերջո Եվրամիության դրոշները հեռացվեցին, և լարվածությունը Բաղրամյան պողոտայում նվազեց:

Ուղիղ հեռարձակում

XS
SM
MD
LG