Մյունխենում ընթացող՝ անվտանգության հարցերով միջազգային համաժողովի շրջանակերում Ադրբեջանի նախագահ Իլհամ Ալիևը հանդիպել է ԵԱՀԿ-ում նախագահող երկրի՝ Գերմանիայի արտգործնախարար Ֆրանկ-Վալտեր Շտայնմայերի հետ: APA գործակալության հաղորդմամբ, հանդիպման ժամանակ քննարկվել են ղարաբաղյան հակամարտության կարգավորմանն առնչվող հարցեր:
Մյունխենում Հայաստանի արտգործնախարար Էդվարդ Նալբանդյանի և ԱՄՆ-ի փոխպետքարտուղար Վիկտորիա Նուլանդի հանդիպմանը ևս քննարկվել է ղարաբաղյան հիմնախնդրի կարգավորման գործընթացը: Այս մասին հաղորդում է Հայաստանի արտգործնախարարության մամուլի ծառայությունը:
