Կիրակի, հունիսի 26, 2016 Ժամանակը Երեւանում 13:57

    Լուրեր

    Եվրո-2016. Լեհաստանը, Ուելսը և Պորտուգալիան՝ 1/4 եզրափակիչում

    Ֆրանսիա - Պորտուգալացի Ռիկարդու Քարեսման գրավում է խորվաթների դարպասը, Լանս, 25-ը հունիսի, 2016թ.

    26.06.2016

    Ֆուտբոլի Եվրոպայի 2016 թվականի առաջնության 1/8 եզրափակիչի՝ շաբաթ երեկոյան կայացած առաջին երեք հանդիպումների արդյունքներով, քառորդ եզրափակիչ դուրս եկան Լեհաստանի, Ուելսի և Պորտուգալիայի հավաքականները։

    Լեհաստանի և Շվեյցարիայի հավաքականների հանդիպման հիմնական ժամանակը ավարտվեց ոչ-ոքի՝ 1:1, լրացուցիչ 30 րոպեում գոլեր չգրանցվեցին, ի վերջո, լեհերը առավելության հասան հետխաղյա 11-մետրանոցներով՝ 5:4 հաշվով:

    Ուելսի հավաքականը 1։0 հաշվով առավելության հասավ Հյուսիսային Իռլանդիայի թիմի նկատմամբ։

    Պորտուգալիայի և Խորվաթիայի հավաքականների հանդիպման հիմնական ժամանակ ավարտվեց ոչ-ոքի՝ 0:0, և պորտուգալացիներին հաջողվեց միակ գնդակը ուղարկել խորվաթների դարպասը միայն լրացուցիչ ժամանակի 27-րդ րոպեին։

    Հունիսի 30-ին քառորդ եզրափակիչում կհանդիպեն Լեհաստանի և Պորտուգալիայի հավաքականները, մյուս երեք զույգերը կորոշվեն առաջիկա երկու օրերին կայանալիք 1/8 եզրափակիչի հինգ խաղերի արդյունքներով. կիրակի օրը կկայանան Ֆրանսիա - Իռլանդիա, Գերմանիա - Սլովակիա և Հունգարիա - Բելգիա, երկուշաբթի՝ Իտալիա - Իսպանիա և Անգլիա - Իսլանդիա հանդիպումները։

     

    Օրացույց

    Ամենակարդացվողը