Մատչելիության հղումներ

Շվեդիայի Ռիկսդագը հայազգի փոխնախագահ կունենա


Շվեդիա, Ստոկհոլմ - Ռիկսդագի նիստերի դահլիճը
Շվեդիա, Ստոկհոլմ - Ռիկսդագի նիստերի դահլիճը

Հայազգի Իսաբել Դինգիզյանը ընտրվել է Շվեդիայի խորհրդարանի՝ Ռիկսդագի փոխնախագահի պաշտոնում: Նրան շնորհավորական ուղերձ է հղել Հայաստանի Ազգային ժողովի փոխնախագահ Էդուարդ Շարմազանովը:

«Գործընկերների կողմից ցուցաբերված վստահությունը լավագույն գնահատականն է տարիների Ձեր բեղուն գործունեության և շվեդական հասարակության առջև ծառացած մի շարք խնդիրներում Ձեր ցուցաբերած աներկբա կեցվածքի», - Ազգային ժողովի փոխնախագահի գրասենյակի հաղորդագրության համաձայն՝ ասված է ուղերձում:

«Հայաստանում բարձր են գնահատում Շվեդիայի խորհրդարանում Հայոց ցեղասպանության բանաձևի ընդունման գործում Ձեր ունեցած առանցքային դերակատարումը, ինչպես նաև Շվեդիա-Հայաստան բարեկամության պատգամավորական խմբի ստեղծման ողղությամբ ցուցաբերված աջակցությունը», - գրել է Շարմազանովը:

«Վստահ եմ, որ Շվեդիայի խորհրդարանի փոխնախագահի պաշտոնում Ձեր գործունեությունը վճռական նշանակություն կունենա նաև հայ - շվեդական բարեկամական հարաբերությունների խորացման գործում, մասնավորապես միջխորհրդարանական փոխգործակցության ասպարեզում, ինչը հանդիսանում է նաև Հայաստանի Ազգային ժողովի ղեկավարության անկեղծ ցանկությունը», - ասված է Հայաստանի խորհրդարանի փոխխոսնակի ուղերձում:

Շվեդիայի խորհրդարանը, հիշեցնենք, Հայոց ցեղասպանությունը ճանաչող բանաձև է ընդունել 2012 թվականի մարտին:

Ուղիղ հեռարձակում

XS
SM
MD
LG