Վարչապետ Հովիկ Աբրահամյանն այսօր ընդունել է Հայաստանում Գերմանիայի Դաշնային Հանրապետության նորանշանակ արտակարգ և լիազոր դեսպան Բերնհարդ Մաթիաս Քիսլերին:
Վարչապետը շնորհավորել է դեսպանին նոր պաշտոնում նշանակվելու առթիվ և մաղթել արդյունավետ ու բեղմնավոր աշխատանք, հայտնում է Կառավարության պաշտոնական կայքը:
Հովիկ Աբրահամյանը վստահություն է հայտնել, որ պարոն Քիսլերի գործունեությունը կնպաստի Հայաստանի և Գերմանիայի միջև քաղաքական, տնտեսական հարաբերությունների հետագա սերտացմանն ու ամրապնդմանը:
Կառավարության տեղեկատվության և հասարակայնության հետ կապերի վարչության փոխաանցմամբ, Գերմանիայի դեսպանը վստահեցրել է, որ կներդնի առավելագույն ջանքեր՝ ի նպաստ երկու պետությունների միջև բազմաոլորտ համագործակցության խորացման և ընդլայնման:
Հանդիպման ընթացքում զրուցակիցները քննարկել են նաև ՀՀ-ԵՄ հարաբերություններին, Հայաստանում իրականացվող սահմանադրական բարեփոխումներին առնչվող հարցեր:
