Մատչելիության հղումներ

Ռուսական ռազմանավերը Կասպից ծովից հրթիռակոծել են Սիրիայի տարածքը


Ռուսական ռազմանավեր Կասպից ծովում, արխիվ
Ռուսական ռազմանավեր Կասպից ծովում, արխիվ

Ռուսաստանի պաշտպանության նախարար Սերգեյ Շոյգուն այսօր հայտնել է, որ Կասպից ծովում գտնվող ռուսական ռազմանավերից հրթիռակոծվել են Սիրիայում «Իսլամական պետության» խմբավորումների դիրքերը:

Ռուսաստանի նախագահ Վլադիմիր Պուտինի հետ հանդիպմանը, որի մի հատվածը ցուցադրվել է հեռուստատեսությամբ, Շոյգուն ասել է, որ Կասպիցում տեղակայված չորս ռազմանավերից 26 հրթիռային հարված է հասցվել Սիրիայի արևմտյան շրջանների թիրախներին: Հրթիռները 1500 կիլոմետր են կտրել թիրախներին հասնելու համար: Նախարարը նշել է, որ հրթիռները խփել են թիրախներին, սակայն չի բացահայտել, թե որ երկրների օդային տարածքով են դրանք անցել:

Պուտինն ասել է, թե դեռ վաղ է խոսել Սիրիայում Ռուսաստանի՝ սեպտեմբերի 30-ից սկսված ռազմական գործողությունների հաջողությունների մասին: Նա պաշտպանության նախարարին հանձնարարել է Սիրիայի ռազմական գործողություններում համագործակցել ԱՄՆ-ի, Թուրքիայի, Սաուդյան Արաբիայի, Իրանի և Իրաքի հետ:

Պուտինը նշել է, որ Ռուսաստանի ավիահարվածները և հրթիռահարումները պետք է աջակցեն ցամաքում սիրիական բանակի գրոհներին:

Ուղիղ հեռարձակում

XS
SM
MD
LG