Ուժի մեջ է մտել Հայաստանի և Բրազիլիայի միջև մուտքի արտոնագրային ռեժիմը վերացնելու մասին համաձայնությունը:
Ըստ երկու երկրների կառավարությունների միջև ձեռք բերված համաձայնության՝ երեկվանից Հայաստանի և Բրազիլիայի քաղաքացիները միմյանց տարածք մուտք գործելու, դուրս գալու, տարանցիկ անցնելու և գտնվելու համար ազատվում են մուտքի արտոնագիր ձեռք բերելու պահանջից՝ 90 օրը չգերազանցող ժամկետով, որը կարող է երկարաձգվել մինչև 90 օր՝ պայմանով, որ գտնվելու ընդհանուր ժամկետը չգերազանցի 180 օրը մեկ տարվա ընթացքում, իր ֆեյսբուքյան էջում տեղեկացնում է Հայաստանի արտաքին գործերի նախարարությունը: