Մատչելիության հղումներ

Գլխավոր դատախազը հանձնարարել է ուսումնասիրել Տավուշի միջադեպի հանգամանքները


Հայաստանի գլխավոր դատախազության շենքը Երևանում
Հայաստանի գլխավոր դատախազության շենքը Երևանում

Հայաստանի գլխավոր դատախազի հանձնարարությամբ ուսումնասիրվում են Տավուշի մարզում՝ մարզի դատախազի տեղակալի մասնակցությամբ տեղի ունեցած միջադեպի բոլոր հանգամանքները: Այդ մասին տեղեկացնում է դատախազության հանրային կապերի բաժինը:

Այդ հանգամանքների լիարժեք, բազմակողմանի և օբյեկտիվ ուսումնասիրության արդյունքում կտրվեն համապատասխան գնահատականներ, ասված է հաղորդագրությունում:

Տավուշից հաղորդում էր ստացվել Իջևան-Դիլիջան ավտոմայրուղուն հարակից «Ոսկե ձկնիկ» նորաբաց ռեստորանում մայիսի 21-ին Իջևանի անտառտնտեսության տնօրենի կազմակերպած՝ դատախազության աշխատակիցների խնջույքի մասին, որից հետո մարզի դատախազի տեղակալը, անսթափ վիճակում վարելով ավտոմեքենան, հայտնվել էր արհեստական լճում:

Ուղիղ հեռարձակում

XS
SM
MD
LG