Շաբաթ օրը Երեւանի Վազգեն Սարգսյանի անվան Հանրապետական մարզադաշտում Համահայկական չորրորդ խաղերի բացման արարողության ժամանակ միջադեպեր են գրանցվել «Ժառանգություն» կուսակցության անդամների, համախոհների, ինչպես նաեւ «Այլընտրանք» նախաձեռնության անդամների եւ իրավապահների միջեւ:
«Ժառանգության» եւ «Այլընտրանք»-ի անդամները եւ համախոհները մարզադաշտից դուրս բաժանել են թռուցիկներ ի պաշտպանություն «քաղբանտարկյալների»` «Հայ կամավորականների համախմբում» նախաձեռնության համակարգող Ժիրայր Սեֆիլյանի եւ ղեկավար անդամ Վարդան Մալխասյանի, Հայաստանի նախկին արտգործնախարար, «Քաղաքացիական անհնազանդություն» շարժման նախաձեռնող Ալեքսանդր Արզումանյանի եւ «Ժամանակ Երեւան» թերթի խմբագիր Արման Բաբաջանյանի` նրանց ազատ արձակելու կոչերով:
Ազգային ժողովի «Ժառանգություն» խմբակցության պատգամավոր Զարուհի Փոստանջյանը կեսգիշերից քիչ անց «Ազատություն» ռադիոկայանին փոխանցեց, որ իրավապահները անընդհատ փորձել են իր եւ «Փաստաբաններ` մարդու իրավունքների համար» հասարակական կազմակերպության խորհրդի անդամ Սեդա Մելիքյանի պայուսակները ստուգել, անձը հաստատող փաստաթղթեր են պահանջել, թույլ չեն տվել հետեւել հանդիսությանը, շրջափակել են եւ շատ կոպիտ են վարվել իրենց հետ` ի վերջո, տանելով իր ձեռքի տոպրակը:
Միջադեպից հետո Փոստանջյանը Կենտրոնի ոստիկանություն հայտարարություն է ներկայացրել` պահանջելով պատժել իրենց նկատմամբ բռնություն գործադրած իրավապահներին եւ վերադարձնել տոպրակը, որում, ըստ նրա, եղել է ոչ միայն թռուցիկների տրցակ, այլեւ շատ կարեւոր փաստաթղթեր, որոնք վերաբերում են իր նախկին պաշտպանյալների, այդ թվում` զինվորականների, ֆոտոլրագրող Գագիկ Շամշյանի գործերին:
«Այլընտրանք»-ի համախոհ ներկայացած Վարդգես Գասպարյանը «Ազատություն» ռադիոկայանին գրեթե նույնանման մեկ այլ միջադեպի մասին պատմեց: Ըստ նրա, իրավապահները իրեն քաշքշել են, ապա բերման ենթարկել Կենտրոնի ոստիկանություն:
Հայաստանի ոստիկանության հասարակայնության հետ կապերի վարչությունից տեղեկացրին, որ շաբաթ օրը Հանրապետական մարզադաշտի հետ կապված արձանագրված է միայն մեկ միջադեպ` խոսքը Զարուհի Փոստանջյանի հայտարարության մասին է: Հանգամանքները պարզվում են, կատարվում է հետաքննություն:
Մյուս միջադեպի մասին պաշտոնական ամփոփագրում արձանագրություններ չկան:
Այնուհանդերձ, «Հայկական ժամանակ» օրաթերթի գլխավոր խմբագիր, «Այլընտրանք»-ի ղեկավար անդամներից Նիկոլ Փաշինյանը հաստատեց, որ Վարդգես Գասպարյանը, ինչպես նաեւ նախաձեռնության երկու անդամներ, բերման են ենթարկվել ոստիկանության Մարաշի բաժանմունք, որտեղ, մասնավորապես, հաշվել եւ առգրավել են նրանց մոտ առկա թռուցիկները: Այնուհետեւ բաժանմունք է գնացել Փաշինյանը, եւ մոտ մեկ ժամ անց երեքին էլ բաց են թողել:
Ռուզան Խաչատրյան
«Ժառանգության» եւ «Այլընտրանք»-ի անդամները եւ համախոհները մարզադաշտից դուրս բաժանել են թռուցիկներ ի պաշտպանություն «քաղբանտարկյալների»` «Հայ կամավորականների համախմբում» նախաձեռնության համակարգող Ժիրայր Սեֆիլյանի եւ ղեկավար անդամ Վարդան Մալխասյանի, Հայաստանի նախկին արտգործնախարար, «Քաղաքացիական անհնազանդություն» շարժման նախաձեռնող Ալեքսանդր Արզումանյանի եւ «Ժամանակ Երեւան» թերթի խմբագիր Արման Բաբաջանյանի` նրանց ազատ արձակելու կոչերով:
Ազգային ժողովի «Ժառանգություն» խմբակցության պատգամավոր Զարուհի Փոստանջյանը կեսգիշերից քիչ անց «Ազատություն» ռադիոկայանին փոխանցեց, որ իրավապահները անընդհատ փորձել են իր եւ «Փաստաբաններ` մարդու իրավունքների համար» հասարակական կազմակերպության խորհրդի անդամ Սեդա Մելիքյանի պայուսակները ստուգել, անձը հաստատող փաստաթղթեր են պահանջել, թույլ չեն տվել հետեւել հանդիսությանը, շրջափակել են եւ շատ կոպիտ են վարվել իրենց հետ` ի վերջո, տանելով իր ձեռքի տոպրակը:
Միջադեպից հետո Փոստանջյանը Կենտրոնի ոստիկանություն հայտարարություն է ներկայացրել` պահանջելով պատժել իրենց նկատմամբ բռնություն գործադրած իրավապահներին եւ վերադարձնել տոպրակը, որում, ըստ նրա, եղել է ոչ միայն թռուցիկների տրցակ, այլեւ շատ կարեւոր փաստաթղթեր, որոնք վերաբերում են իր նախկին պաշտպանյալների, այդ թվում` զինվորականների, ֆոտոլրագրող Գագիկ Շամշյանի գործերին:
«Այլընտրանք»-ի համախոհ ներկայացած Վարդգես Գասպարյանը «Ազատություն» ռադիոկայանին գրեթե նույնանման մեկ այլ միջադեպի մասին պատմեց: Ըստ նրա, իրավապահները իրեն քաշքշել են, ապա բերման ենթարկել Կենտրոնի ոստիկանություն:
Հայաստանի ոստիկանության հասարակայնության հետ կապերի վարչությունից տեղեկացրին, որ շաբաթ օրը Հանրապետական մարզադաշտի հետ կապված արձանագրված է միայն մեկ միջադեպ` խոսքը Զարուհի Փոստանջյանի հայտարարության մասին է: Հանգամանքները պարզվում են, կատարվում է հետաքննություն:
Մյուս միջադեպի մասին պաշտոնական ամփոփագրում արձանագրություններ չկան:
Այնուհանդերձ, «Հայկական ժամանակ» օրաթերթի գլխավոր խմբագիր, «Այլընտրանք»-ի ղեկավար անդամներից Նիկոլ Փաշինյանը հաստատեց, որ Վարդգես Գասպարյանը, ինչպես նաեւ նախաձեռնության երկու անդամներ, բերման են ենթարկվել ոստիկանության Մարաշի բաժանմունք, որտեղ, մասնավորապես, հաշվել եւ առգրավել են նրանց մոտ առկա թռուցիկները: Այնուհետեւ բաժանմունք է գնացել Փաշինյանը, եւ մոտ մեկ ժամ անց երեքին էլ բաց են թողել:
Ռուզան Խաչատրյան