Մարկ Արյանի ստեղծագործությունը` Ստամբուլի մասին երգերի ձայնասկավառակում
Թուրքիայում թողարկվել է Ստամբուլի մասին երգերի նոր ձայնասկավառակ, որտեղ ընդգրկված են քաղաքի մասին արտասահմանցի հեղինակների 12 ստեղծագործություններ: Ձայնասկավառակի առաջին երգը ծագումով հայ` ֆրանսիացի երգիչ Մարկ Արյանի «Ստամբուլ» ստեղծագործությունն է:
Թուրքիայում թողարկվել է Ստամբուլի մասին երգերի նոր ձայնասկավառակ, որտեղ ընդգրկված են քաղաքի մասին արտասահմանցի հեղինակների 12 ստեղծագործություններ:
«Երգեր Ստամբուլի համար» անվանումն ունեցող ձայնասկավառակի առաջին երգը ծագումով հայ` ֆրանսիացի երգիչ Մարկ Արյանի «Ստամբուլ» ստեղծագործությունն է:
Երգերը այս սկավառակում հնչում են նոր գործիքավորմամբ, նաեւ` ժամանակակից թուրք երգիչ-երգչուհիների կատարմամբ: Սակայն երգերի բառերը չեն փոփոխվել, դրանք բնօրինակով են կատարվում: Մարկ Արյանի «Ստամբուլ»-ը, օրինակ, ֆրանսերեն է հնչում:
«6 ամիս է տեւել, մինչեւ մտահղացման հեղինակները կարողացել են Ստամբուլի մասին հնչած հանրահայտ երգերը նախ ընտրել, ապա` ձայնագրել», - տեղեկացնում է թուրքական «Զաման»-ը` բացատրելով. - «Կատարումներում թուրքական ազգային երաժշտական գործիքներ են օգտագործված, ինչպես` ուդը, քանոնը, բենդիրը եւ դերբուկան»:
Ոճային ընդգրկման առումով էլ` ալբոմը մեծ բազմազանություն է ապահովել. ալբոմում զետեղվել են ինչպես, օրինակ, ֆրանսիացի երգահաններ Բել դյու Բերիի եւ Դեյվիդ Լյուիսի` «Ստամբուլ` ոչ Կոստանդնուպոլիս»` 1953-ին հեղինակած ստեղծագործությունը, այնպես էլ էլեկտրոնային երաժշտության հիմնադիր համարվող` բրիտանացի Մարկ Ալմոնդի «Նա իմ հոգին տարավ Ստամբուլ» երգը: