Չորեքշաբթի, նոյեմբերի 26, 2014 Ժամանակը Երեւանում 09:08

Քաղաքական

Նախագահը կոչ է անում քվեարկել Սամվել Ալեքսանյանի օգտին

Նախընտրական քարոզարշավի շրջանակներում մայրաքաղաքի Մալաթիա-Սեբաստիա համայնքում ընտրողների հետ հանդիպմանը Սերժ Սարգսյանը կոչ արեց քվեարկել գործարար Սամվել Ալեքսանյանի օգտին:

Մուլտիմեդիա

Աուդիո
  • Նախագահը կոչ է անում քվեարկել Սամվել Ալեքսանյանի օգտին

  • Հարցազրույց Սամվել Ալեքսանյանի հետ

Երկրի նախագահի ժամանելուն, ինչպեսեւ մյուս հանդիպումների ժամանակ, նախորդեցին հայ էստրադայի հանրահայտ երգիչների ելույթները:

«Արդարության ծարավը եւ պայքարը հանուն դրա մարդկությանն ուղեկցել է իր ողջ պատմության ընթացքում: Բնական է, որ աշխարհի բոլոր անարդարությունները շտկելը մեր ուժերից վեր է, բայց կառավարող կուսակցությունն ի զորու է շատ բան անել այս ուղղությամբ», - ասաց իշխող կուսակցության նախագահը` շարունակելով. - «Մենք լրջագույն քայլեր ենք իրականացրել արդարադատության համակարգը կատարելագործելու ուղղությամբ: Հայաստանը տեսանելի ապագայում լինելու է իրավական պետություն: Ես դրան հավատում եմ: Եվ այսօր այստեղ եմ` իմ համոզումը ձեզ փոխանցելու համար նաեւ»:

«Իրավական առումով պաշտպանված պետք է լինի մեզնից յուրաքանչյուրը», - հայտարարեց Սերժ Սարգսյանը: - «Հայաստանի պես երկրի համար անհնար է նորմալ տնտեսություն կամ, օրինակ, բարձրակարգ ոստիկանություն ունենալ առանց իրավական պետություն լինելու»:

Նա ասաց, որ մեր հասարակության «ամենամեծ պահանջը» աշխատանքն է` բարձր վարձատրվող աշխատանքը: Այս առումով ՀՀԿ-ի տնտեսական քաղաքականությունը ուղղված է լինելու նաեւ փոքր ու միջին բիզնեսի կայացմանն ու զարգացմանը:

«Փոխում ենք տնտեսական քաղաքականության նպատակադրումները: Արդեն սկսել ենք: Մենք շարունակելու ենք պարզեցնել հարկային վարչարարությունը: Հարկային բեռը փոխադրելու ենք աստիճանաբար դեպի խոշոր հարկատուներ: Ոչ մի հակամրցակցային գործողություն անպատիժ չենք թողնելու», - ասաց նապագահը:

Անդրադառնալով երկրում ստեղծված սոցիալական անհավասարությանը` Սերժ Սարգսյանը ասաց, որ պայքարելու են այդ անհավասարությունը ծնող պատճառների դեմ. - «Արդյունաբերական քաղաքականության նոր մոտեցումներն իրենց հետ բերելու են հազարավոր նոր աշխատատեղեր: Արդեն սկսել ենք, արդեն արդյունքներ էլ ունենք` թեեւ աշխատատեղերը, իհարկե, բավարար չեն»:

Երկրի ղեկավարն ու իշխող կուսակցության նախագահը Մալաթիա-Սեբաստիա համայնքների բնակչությանը կոչ արեց քվեարկել ՀՀԿ-ի համամասնական ցուցակի եւ այդ ընտրատարածքում մեծամասնական ընտրակարգով առաջադրված թեկնածու Սամվել Ալեքսանյանի օգտին. - «Մենք առաջադրել ենք եւ սատարում ենք նրան եւ համարում ենք, որ նա կարող է Ազգային ժողովում արժանապատվորեն ներկայացնել Մալաթիա-Սեբաստիա համայնքը»:

«Ազատություն» ռադիոկայանը նաեւ ուշագրավ զրույց ունեցավ Սամվել Ալեքսանյանի հետ` մասնավորապես նույն ընտրատարածքում ՀԱԿ-ի կողմից առաջադրված թեկնածու Նիկոլ Փաշինյանի` հեռուստաբանավեճ կազմակերպելու առաջարկության վերաբերյալ:

Նախագահը կոչ է անում քվեարկել Սամվել Ալեքսանյանի օգտինi
|| 0:00:00
...    
🔇
X
Ֆորումը փակված է:
Մեկնաբանությունները
Մեկնաբանություններ
     
Մանուկ , : Երևան
13.04.2012 19:54
+0 / -0
«Մենք լրջագույն քայլեր ենք իրականացրել արդարադատության համակարգը կատարելագործելու ուղղությամբ: Հայաստանը տեսանելի ապագայում լինելու իրավական պետություն: Ես դրան հավատում եմ: Եվ այսօր այստեղ եմ` իմ համոզումը ձեզ փոխանցելու համար նաեւ»:
Չե` ժողովուրդ ջան, մինչև կարգին չհավատանք--սրանք փոխվողը չեն; Չհավատանք' --որ փոխվեն:

Սմբատ , : Վանաձոր
13.04.2012 12:35
+0 / -0
«Արդյունաբերական քաղաքականության նոր մոտեցումներն իրենց հետ բերելու են հազարավոր նոր աշխատատեղեր: Արդեն սկսել ենք, արդեն արդյունքներ էլ ունենք` թեեւ աշխատատեղերը, իհարկե, բավարար չեն»: Սա Դուք եք ասում: Ձեր նախորդը 40 հազար աշխատատեղ ու համատեղ աշխատանք էր խոստանում:
Իսկ հիմա արեք գոնե նվազագույնը` ստիպեք որ Ձեր առառջադրած ու սատարած բոլոր օլիգարխներն իրենց ձեռնարկություններում կիրառեն ՀՀ օրենքները` աշխատողների աշխատավարձերը ժամանակին տան և կիրառեն տոնական օրերի ու Եկեղեցու Տաղավար տոներին հաջորդող երկուշաբթի օրերի հանգիստը:

Անանուն
12.04.2012 22:47
+0 / -0
Ev vortex e ajd ushagrav harcazrujcy???
Ի պատասխան

Վարող
13.04.2012 15:31
+0 / -0
Այդ զրույցը կարելի է լսել նյութին կից աուդիոֆայլում։ Այդուհանդերձ, հաշվի առնելով նաեւ Ձեր դիտողությունը, մենք աուդիոֆայլից առանձնացրեցինք տվյալ հատվածը եւ այն եւս կցեցինք հոդվածին. համապատասխան հղումը տեքստում կա։

Սամվել
12.04.2012 21:48
+0 / -0
Այս նյութը կարդալուց հետո արդեն Աստծո գոյությանն էլ եմ սկսել կասկածել: Իսկ ինչ վերաբերվում է Հայաստանին՝ ես նրա վաղվա օրվան այլևս բացարձակապես չեմ հավատում:

Ամենակարդացվողը