Երկուշաբթի, հունիսի 27, 2016 Ժամանակը Երեւանում 20:39

    Քաղաքական

    Վանաձորից ընտրված անկախ պատգամավորը որեւէ խմբակցության չի անդամակցի

    Վանաձորում` թիվ 30 ընտրատարածքից ընտրված անկուսակցական պատգամավոր Էդմոն Մարուքյանը որեւէ խմբակցության չի անդամակցելու:

    Ձախից առաջինը Էդմոն Մարուքյանն է:Ձախից առաջինը Էդմոն Մարուքյանն է:
    x
    Ձախից առաջինը Էդմոն Մարուքյանն է:
    Ձախից առաջինը Էդմոն Մարուքյանն է:
    «Քանի որ որեւէ կուսակցության գաղափարախոսությամբ կաշկանդված չեմ, շատ ճկուն եմ լինելու ցանկացած ուժի հետ համագործակցելու առումով` եթե իմ ծրագրերը աջակցություն ստանան այդ ուժի կողմից եւ եթե այդ ուժի կողմից ներկայացված օրենսդրական նախաձեռնությունները համընկնեն իմ սկզբունքներին եւ ծրագրերին», - հայտնեց պատգամավորը:

    Էդմոն Մարուքյանի նախընտրական ծրագրի հիմնական դրույթները վերաբերում են երիտասարդական քաղաքականությանը, փոքր եւ միջին բիզնեսի շահերի պաշտպանությանը եւ մի շարք այլ խնդիրների, որոնք, ըստ նորընտիր պատգամավորի` «ուղղված են Հայաստանից երիտասարդների արտահոսքը կանխելուն»:

    Էդմոն Մարուքյանը վերջին տասը տարիներին զբաղվել է իրավապաշտպան գործունեությամբ, 2007 թվականից արդեն որպես փաստաբան, գործեր է վարել նաեւ Մարդու իրավունքների եվրոպական դատարանում: Կրթություն է ստացել Հայաստանում եւ ԱՄՆ-ում:

    Պատգամավորը նշեց, որ իր նախընտրական շտաբը իրականացրել է հատուկ մշակված ու հաշվարկված քարոզարշավ` մինիմալ ֆինանսական միջոցներով: Նա համարում է, որ իր հաղթանակում դեր է խաղացել նաեւ քիչ թե շատ կայացած քաղաքացիական հասարակությունը Վանաձորում:

    «Սերնդափոխության կոչ ենք արել, կոչ ենք արել, որ երիտասարդ մարդուն, պրոֆեսիանալ իրավաբանին հնարավորություն տրվի հայտվելու Ազգային ժողովում եւ ներկայացնելու մարդկանց շահերը», - ասաց նա:



    Edmon Marukyani
    || 0:00:00
    ...    
     
    X
    Ֆորումը փակված է:
    Մեկնաբանություններ
         
    Այս ֆորումում մեկնաբանություններ չկան: Դարձեք առաջինը եւ գրեք մեկնաբանություն

    Ամենակարդացվողը