Իրավիճակը Լեռնային Ղարաբաղի հիմնախնդրի շուրջ աննախադեպ է, քանի որ բանակցություններ չկան, բայց չկան նաեւ ռազմական գործողություններ, թեեւ վերջին տարիներին բազմիցս են հնչել գնահատականներ, որ բանակցություններին այլընտրանքը կարող է լինել պատերազմը:
Այսօր «Ազատություն» ռադիոկայանի հետ զրույցում անդրադառանալով ԵԱՀԿ Մինսկի խմբի համանախագահների տարածաշրջանային հերթական այցին` նման կարծիք հայտնեց Ռազմավարական եւ ազգային հետազոտությունների հայկական կենտրոնի տնօրեն Մանվել Սարգսյանը:
Ինչ վերաբերում է համանախագահների այս այցին, ապա Սարգսյանի համոզմամբ, այն ընդամենը նպատակ ունի մեղմել կողմերի միջեւ առաջացած լարվածությունը` Ռամիլ Սաֆարովի դեպքից հետո:
«Ոչ բանակցություններ կան, ոչ պատերազմ, բայց մեզ մոտ տպավորություն կա, որ բանակցությունները վերջացան, եւ առաջիկայում պատերազմի առաջ կկանգնենք։ Այդպես չէ, շատ ավելի բարդ է ամեն ինչ, եւ այս վիճակում ուղղակի պետք է տեսնենք ինչ ապագա կարող է ունենալ այդ բանակցային գործընթացը», - մեկնաբանում է փորձագետը, - «Չեմ կարծում, որ համանախագահները իրենք էլ շատ մեծ հույսեր են կապում, բայց ընդամենը շփման եզրեր գտնելու համար գալը ինքնին իրենց աշխատանքային պլանում է»։
Հիմա, ըստ Սարգսյանի, գործընթացը մտել է մի փուլ, երբ միջազգային հանրությունը կարող է մտածել` նոր մոտեցումներով հանդես գալ ղարաբաղյան խնդրի առնչությամբ:
Այսօր ԵԱՀԿ Մինսկի համանախագահներին կընդունի արտգործնախարար Էդվարդ Նալբանդյանը, իսկ ավելի ուշ` նախագահ Սերժ Սարգսյանը:
Համանախագահներ Ռոբերտ Բրադկեին, Իգոր Պոպովին, Ժակ Ֆորին եւ ԵԱՀԿ-ի գործող նախագահի անձնական ներկայացուցիչ Անջեյ Կասպշիկին երեկ Ստեփանակերտում ընդունել են Լեռնային Ղարաբաղի նախագահ Բակո Սահակյանն ու արտգործնախարար Կարեն Միրզոյանը:
Ըստ պաշտոնական հաղորդագրության, Ստեփանակերտում կայացած հանդիպմանը քննարկվել են ղարաբաղյան հակամարտության կարգավորման եւ տարածաշրջանային վերջին զարգացումներին առնչվող հարցեր:
Հավելենք, որ Երեւանից համանախագահները կմեկնեն Բաքու, ուր` երկուշաբթի նախատեսված է նրանց հանդիպումը Ադրբեջանի նախագահի հետ:
Այսօր «Ազատություն» ռադիոկայանի հետ զրույցում անդրադառանալով ԵԱՀԿ Մինսկի խմբի համանախագահների տարածաշրջանային հերթական այցին` նման կարծիք հայտնեց Ռազմավարական եւ ազգային հետազոտությունների հայկական կենտրոնի տնօրեն Մանվել Սարգսյանը:
Ինչ վերաբերում է համանախագահների այս այցին, ապա Սարգսյանի համոզմամբ, այն ընդամենը նպատակ ունի մեղմել կողմերի միջեւ առաջացած լարվածությունը` Ռամիլ Սաֆարովի դեպքից հետո:
«Ոչ բանակցություններ կան, ոչ պատերազմ, բայց մեզ մոտ տպավորություն կա, որ բանակցությունները վերջացան, եւ առաջիկայում պատերազմի առաջ կկանգնենք։ Այդպես չէ, շատ ավելի բարդ է ամեն ինչ, եւ այս վիճակում ուղղակի պետք է տեսնենք ինչ ապագա կարող է ունենալ այդ բանակցային գործընթացը», - մեկնաբանում է փորձագետը, - «Չեմ կարծում, որ համանախագահները իրենք էլ շատ մեծ հույսեր են կապում, բայց ընդամենը շփման եզրեր գտնելու համար գալը ինքնին իրենց աշխատանքային պլանում է»։
Հիմա, ըստ Սարգսյանի, գործընթացը մտել է մի փուլ, երբ միջազգային հանրությունը կարող է մտածել` նոր մոտեցումներով հանդես գալ ղարաբաղյան խնդրի առնչությամբ:
Այսօր ԵԱՀԿ Մինսկի համանախագահներին կընդունի արտգործնախարար Էդվարդ Նալբանդյանը, իսկ ավելի ուշ` նախագահ Սերժ Սարգսյանը:
Համանախագահներ Ռոբերտ Բրադկեին, Իգոր Պոպովին, Ժակ Ֆորին եւ ԵԱՀԿ-ի գործող նախագահի անձնական ներկայացուցիչ Անջեյ Կասպշիկին երեկ Ստեփանակերտում ընդունել են Լեռնային Ղարաբաղի նախագահ Բակո Սահակյանն ու արտգործնախարար Կարեն Միրզոյանը:
Ըստ պաշտոնական հաղորդագրության, Ստեփանակերտում կայացած հանդիպմանը քննարկվել են ղարաբաղյան հակամարտության կարգավորման եւ տարածաշրջանային վերջին զարգացումներին առնչվող հարցեր:
Հավելենք, որ Երեւանից համանախագահները կմեկնեն Բաքու, ուր` երկուշաբթի նախատեսված է նրանց հանդիպումը Ադրբեջանի նախագահի հետ: