Կիրակի, մայիսի 29, 2016 Ժամանակը Երեւանում 19:17

    Միջազգային

    ԱՄՆ ՆԵրկայացուցիչների պալատը «գրին քարտի» դեմ

    Վերլուծաբանները քիչ հավանական են համարում օրինագծի հաստատումը Սենատում։

    «Գրին քարտ», արխիվ«Գրին քարտ», արխիվ
    x
    «Գրին քարտ», արխիվ
    «Գրին քարտ», արխիվ
    Միացյալ Նահանգների Ներկայացուցիչների պալատը օրերս կողմ քվեարկեց մի օրինագծի, որը ենթադրում է վերացնել վիզաների ամենամյա վիճակախաղը՝ «գրին քարտի» խաղարկությունը, եւ այդ վիզաները տրամադրել ԱՄՆ-ում կրթություն ստացող ուսանողներին:

    Ըստ օրինագծի` «գրին քարտերը» ամեն տարի խաղարկելու փոխարեն դրանք պիտի տրվեն բակալավրից բարձր կոչումով այն ուսանողներին, ովքեր Միացյալ Նահանգներում ճշգրիտ, բնական եւ տեխնիկական գիտություններ են ուսումնասիրում:

    Օրինագծի օգտին քվեարկել են 245 կոնգրեսականներ, դեմ` 139-ը: Նախագծին դեմ են դեմոկրատները, իսկ հանրապետականները, հակառակը, «գրին քարտերը» վերացնելու գաղափարի կողմնակիցն են, եւ հանրապետական մեծամասնություն ունեցող Ներկայացուցիչների պալատում օրինագծի հաստատումը անակնկալ չէր, սակայն օրենք դառնալու համար այն դեռ պետք է հաստատվի Սենատում:

    Վերլուծաբանները քիչ հավանական են համարում օրինագծի հաստատումը, քանի որ դեմոկրատների վերահսկողության տակ գտնվող Սենատը, հավանաբար, դրա ընդունումը կկանխի:

    Թեքսասցի հանրապետական Լամար Սմիթը ի պաշտպանություն այս օրինագծի հայտարարել է, որ Միացյալ Նահանգները չի կարող իրեն թույլ տալ կրթել օտարերկրյա ուսանողներին, իսկ հետո նրանց հետ ուղարկել իրենց երկրներ՝ աշխատելու Ամերիկայի մրցակիցների համար:

    Մինչդեռ դեմոկրատ օրենսդիրները դեմ են արտահայտվում օրինագծին՝ պնդելով, թե այն չի նպաստում համընդհանուր ներգաղթին եւ խոչընդոտներ է ստեղծում ոչ բարձր որակավորմամբ ներգաղթյալներ ընդունելու գործընթացի համար, այնինչ Միացյալ Նահանգների տնտեսության մեջ կենսական դեր ունեն նաեւ գիտական աստիճաններ չունեցող ներգաղթյալները:

    1995 թվականից սկսած ամեն տարի Միացյալ Նահանգենրը ներգաղթի այս ծրագրով խաղարկում է 55 հազար վիզաներ, աշխարհի զարգացող երկրներից ստացվող դիմումների թիվը կազմում է մի քանի միլիոն: Օրինակ, 2013 թվականի խաղարկության համար ստացվել է շուրջ 12.5 միլիոն դիմում:

    Հայաստանի բնակչությունը եւս ակտիվորեն մասնակցում է «գրին քարտի» խաղարկությանը:

    2007 - 2013 թվականների վիճակագրությունը ցույց է տալիս, որ Հայաստանից ստացվող դիմումները տարեցատրի աճում են: Բացառություն է կազմել միայն 2010 թվականը. այդ տարի դիմումների թիվը 2009-ի համեմատ պակասել է, սակայն 2011-ին դիմումների թռիչքային աճը գերազանցել է ոչ միայն 2010-ի, այլեւ 2009-ի ցուցանիշը:

    2007 թվականին Հայաստանից «գրին քարտի» համար դիմողների թիվը` իրենց ընտանիքների հետ, կազմել է 58 հազար, 2013-ի խաղարկության համար արդեն Հայաստանից դիմել է ավելի քան 97 հազար մարդ:
    Ֆորումը փակված է:
    Մեկնաբանություններ
         
    Այս ֆորումում մեկնաբանություններ չկան: Դարձեք առաջինը եւ գրեք մեկնաբանություն

    Ամենակարդացվողը