Ուրբաթ, հոկտեմբերի 31, 2014 Ժամանակը Երեւանում 12:11

Քաղաքական

Հովհաննիսյանը «ուժեղ, աննահանջ պայքարի» կոչ է անում

Աշտարակից այսօր իր մարզային հանրահավաքները սկսած «Ժառանգություն» կուսակցության առաջնորդ, նախագահական ընտրությունների նախնական արդյունքները վիճարկող Րաֆֆի Հովհաննիսյանը (Ապարանից, Ստիպակից, Վանաձորից հետո) դրանք ավարտեց Գյումրիի թատերական հրապարակում անցկացրած բազմամարդ հանրահավաքով:

Գյումրիում, ըստ ԿԸՀ-ի նախնական արդյունքների, Րաֆֆի Հովհաննիսյանը մոտ 2.5 անգամ ավելի քվե է ստացել, քան գործող նախագահը: Երեկ, հիշեցնենք, հրաժարականի դիմում է ներկայացրել Շիրակի մարզպետ Աշոտ Գիզիրյանը:

«Ես եկել եմ այսօր Գյումրի, որովհետեւ Գյումրին որոշեց Հայաստանի Հանրապետության ապագան եւ հաղթանակը», - հավաքվածների ջերմ ծափողջույնների ներքո ասաց Հովհաննիսյանը: - «Ժողովուրդը ասում է վերջապես, որ սա իմ քաղաքն է, սա իմ երկիրն է, եւ ես տերն եմ այստեղ: Այնքան ցավ, այնքան տապապանք, այնքան մահ այնքան ողբերգություն տեսած Գյումրին այսքան տարի անց ասում է, որ ես այլեւս չեմ վաճառվում»:

«Ոչ մի նախորդ նախագահ, ոչ մի ընդդիմադիր կամ մարզպետ կամ քաղաքապետ, գյուղապետ կամ պաշտոնյա մեզանից չի տանելու այս հաղթանակը: Գյումրին վերադարձել է, Շիրակի մարզը վերադարձել է, Հայաստանի Հանրապետությունը վերադարձել է մեր երկիր եւ մեր ժողովրդին: Շիրակի մարզպետը հրաժարական պիտի տար ոչ թե նրա համար, որ ինքը չկարողացավ հաղթել ժողովրդին… Ժողովուրդը հաղթեց իրեն», - հայտարարեց նա` եզրափակելով. - «Հրաժարական բոլոր հանցագործների, եւ պատասխանատվություն հայ ժողովրդի եւ մեր Սահմանադրության առաջ: Ես վերջնագրերով չեմ խոսում եւ ուլտիմատում չեմ տալիս, բայց արդեն թող ակնհայտ լինի իմ կողմից հարգված երրորդ նախագահին, որ ժամանակը եկել է, որ իշխանությունը փոխանցի Հայաստանի ժողովրդին… Ով ուզում է անցյալի մեջ ապրել, թող անցյալ գնա: Մենք գնում ենք դեպի նոր, ապագա Հայաստան»:

Նշենք նաեւ, որ ինչպես Վանաձորում, այնպես էլ Գյումրիում ոստիկանությունը պարբերաբար նախազգուշացնում էր հավաքվածներին, որ հանրահավաքներն արտոնված չեն:

Ավելի ուշ ՀՀ ոստիկանությունը տարածեց մի հայտարարություն, որում, մասնավորապես, ասվում է. - «Փետրվարի 23-ին  ՀՀ նախագահի թեկնածու Րաֆֆի Հովհաննիսյանը առանց իրազեկման հավաքներ է անցկացրել Աշտարակ, Ապարան, Սպիտակ, Վանաձոր եւ Գյումրի քաղաքներում: Վաղը, կրկին առանց իրազեկման,  հավաք է կազմակերպվելու Երեւանի Ազատության հրապարակում: ՀՀ  ոստիկանությունը շեշտում է, որ ապօրինի հավաքների անցկացումը կարող է հանգեցնել անկառավարելիության, իրավունքների չարաշահման, բախումների, տարաբնույթ իրավախախտումների, երբ այլեւս հնարավոր չի լինի ապահովել դրանց բնականոն եւ խաղաղ ընթացքը»:

Այնուհետեւ ոստիկանությունն իր պատրաստակամությունն է հայտնում «Րաֆֆի Հովհաննիսյանի եւ նրա կողմնակիցների հետ քննարկելու վերոհիշյալ հարցերը` տեղեկացնելով նրանց իրենց այդ բնույթի գործողությունների հնարավոր հետեւանքների մասին»:
Ֆորումը փակված է:
Մեկնաբանությունները
Մեկնաբանություններ
     
Վահան Վանական , : Զուիցերիա
24.02.2013 05:41
+0 / -0
Հովհաննիսյանի «ուժեղ, աննահանջ պայքար»-ը,

Իրաւացի է եւ արտօնուած՝ սահմանադրականորէն.
Տեսանք կորուբցիոնի պարագաներ.

Բաստերով կարելի է մերժել ընտրոգթեանց արթիւնքները.

Բայց՝ այնքան ատեն որ կարելի չէ փաստել Րաֆֆիին 50%-էն վեր քուէարկութեան հաւաքելը ի նպաստ իրեն, կարելի չէ Րաֆֆին յաղթական յայտարարել.

Առայժմ, Րաֆֆիին ինքնակոչ յայտարարութիւնը կը նկատուի «Պետական Հարուած», (Un Coup d'Etat)

Փողոցը իրաւունք ունի Դեմոկրասի պահանջելու, բայց Դեմոկրադիկ չէ Րաֆֆին որպէս յաղթական եւ նախագահ յայտարարելը՝ առանց քուարկութեանց արթիւնքները ճշդելու.

Օրինաւոր յաջողութեան համար,
Մնանք Դեմոկրադիկ եւ պահանջենք Դեմոկրասին.

Վահան Վանական

nikolay , : erevan
24.02.2013 02:21
+0 / -0
es karcum em vor pah@ hasunacel e ev ayn qaxel e petq ete menq chmaxmbvenq ev mer caynin ter chkangnenq ayn kvortni u kpchana isk pchacac baner aysorva ishxanutyunner@ shat en sirum

vardan , : hayastan
24.02.2013 00:15
+0 / -0
Ashtarak Aparan Spitak Vanazor ev Gyumri aragh aranc nahangi.

Ամենակարդացվողը