Ուրբաթ, հուլիսի 25, 2014 Ժամանակը Երեւանում 07:37

Հասարակություն

Ակցիա Հայաստանում հավատարմագրված 4 դեսպանատների մոտ

Ակցիա Հայաստանում հավատարմագրված 4 դեսպանատների առջեւi
|| 0:00:00
...
 
🔇
X
26.02.2013
Մի խումբ քաղաքացիներ փետրվարի 18-ի ընտրությունների ընթացքում տեղի ունեցած օրենքի խախտումների ու կեղծիքների մասին պատմող սկավառակ հանձնեցին Հայաստանում Ֆրանսիայի, Իտալիայի, Ռուսաստանի եւ Լեհաստանի դեսպանատներ: Ոստիկանության աշխատակիցները ակցիայի մասնակիցներին ուղեկցեցին բողոքի ակցիայի ողջ ընթացքում՝ հրելով եւ թույլ չտալով ակցիայի մասնակիցներին մոտենալ դեսպանատներին:
Երեքշաբթի օրը մի խումբ քաղաքացիներ փետրվարի 18-ի ընտրությունների ընթացքում տեղի ունեցած օրենքի խախտումների ու կեղծիքների մասին պատմող տեսասկավառակ հանձնեցին Հայաստանում Ֆրանսիայի, Իտալիայի, Ռուսաստանի եւ Լեհաստանի դեսպանատներ:

Ակցիայի մասնակիցները պնդմամբ` Հայաստանում անցկացված ընտրությունները կեղծված են: Նրանց մտահոգում է նաեւ այն, որ «եվրոպական պետությունների նախագահները ՀՀ նախագահ Սերժ Սարգսյանին ուղղված շնորհավորական ուղերձներում ասում են, որ ընտրություններն անցել են օրինական»:

Ոստիկանության աշխատակիցները ակցիայի մասնակիցներին ուղեկցեցին բողոքի ակցիայի ողջ ընթացքում: Նրանց թիվը գերազանցում էր ակցիայի մասնակիցների թվին:

Ակցիայի մասնակիցները ասում էին, թե ոստիկանության գործողություններն անօրինական են, որովհետեւ վերջիններս խոչընդոտում էին իրենց ազատ տեղաշարժման իրավունքը, իսկ ոստիկանությունը հակադարձում էր, թե իրենք առաջնորդվում են  «Հավաքների ազատության մասին» օրենքով:

«Ես պատրաստվում եմ դիմել դեսպաններին եւ հարցնել, թե նման ակցիաների ժամանակ իրենց դեսպանության տարածքի անձեռնմխելիությունը խախտման հետ կապված ունեն մտահոգություն, թե ոչ, որպեսզի պարզեմ, թե մեր ոստիկանության աշխատակիցները ինչու են այսպես ջանադրաբար պաշտպանում դեսպանատների անձեռնմխելիությունը, դա հիմնավո՞ր է, թե ոչ», - ասաց ակցիային մասնակցող Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:
Ֆորումը փակված է:
Մեկնաբանություններ
     
Այս ֆորումում մեկնաբանություններ չկան: Դարձեք առաջինը եւ գրեք մեկնաբանություն

Ամենակարդացվողը