Չորեքշաբթի օրը Պրահայում անցկացվելու է Վրաստանի վարչապետի հատուկ ներկայացուցիչ Զուրաբ Աբաշիձեի և Ռուսաստանի փոխարտգործնախարար Գրիգորի Կարասինի հանդիպումը:
Վրաստանում նոր ուժերի հաղթանակից հետո այս երկու բանագնացները զբաղվում են ռուս - վրացական խաթարված հարաբերությունները վերականգնելու ուղղությամբ:
Պրահա մեկնելուց առաջ Աբաշիձեն ասել է. - «Տեղեկատվական տեսանկյունով մենք պետք է առավելագույնս օգտագործենք նմանատիպ հանդիպումները: Բնականաբար, մենք սուր հարցեր ենք բարձրացնում, որոնք անհանգստացնում են մեզ: Նկատի ունեմ օկուպացիայի շփման գծի իրավիճակն ու այլ խնդրահարույց հարցեր»:
Նրա փոխանցմամբ՝ պլանավորվել է քննարկել նաև ռուսական ինքնաթիռների կողմից Վրաստանի օդային տարածքը խախտելու դեպքերը:
Ապրիլի 10-ին Վրաստանի արտգործնախարարությունը հաղորդել էր, որ ռուսական Ան-2 ինքնաթիռը երկու անգամ խախտել է Վրաստանի օդային տարածքը՝ թռիչքներ կատարելով Վրաստանի սահմանային պահակակետերի ու գյուղերի վրայով: Վրաստանի արտգործնախարարությունը բողոք էր հայտնել՝ Եվրամիության դիտորդական առաքելությանը կոչ անելով արձագանքել այդ միջադեպերին:
Պրահայում այսօր կայանալիք վրաց - ռուսական շփումները կլինեն երկու կողմերի թվով վեցերորդ հանդիպումը: Այն նախատեսվում էր անցկացնել մարտի սկզբին, բայց մի քանի անգամ հանդիպման ժամկետները հետաձգվեցին՝ հասնելով մինչև ապրիլի կեսերը:
«Մենք Ռուսաստանի հետ դիվանագիտական հարաբերություններ չունենք, ուստի այս երկկողմ, ոչ պաշտոնական երկխոսության շրջանակներում քննարկում ենք կոնկրետ, գործնական շատ հարցեր: Այդպիսի հարցեր շատ են կուտակվել, և մենք հուսով ենք՝ հանդիպմանը կփորձենք լուծել դրանք» , - «Նովոստի - Գրուզիա» լրատվական գործակալության փոխանցմամբ՝ ասել է Զուրաբ Աբաշիձեն:
Ռուս - վրացական հարաբերությունների կարգավորմանն է անդրադարձել նաև Վրաստանի արտգործնախարարը: Գերմանական Die Welt-ի հարցազրույցում Մայա Փանջիկիձեն հիմնականում խոսել է Եվրամիությանը և ՆԱՏՕ-ին մերձենալու Վրաստանի ձգտումների մասին ու նաև նշել, որ Վրաստանը միաժամանակ նպատակադրված է նորմալացնելու հարաբերությունները Ռուսաստանի հետ:
«ՆԱՏՕ-ին անդամակցելու Վրաստանի ձգտումները պետք չէ ընկալել որպես Ռուսաստանի դեմ ագրեսիայի դրսևորում: Ռուսաստանը շարունակում է Վրաստանի վրա բավականին ուժեղ ճնշում գործադրել, սակայն մենք մեր կողմից հնարավորն անում ենք՝ թուլացնելու լարվածությունը Ռուսաստանի հետ հարաբերություններում», - հավաստիացրել է Վրաստանի արտգործնախարարը՝ ընդգծելով. - «Մենք չենք ընդհատում երկխոսությունը Ռուսաստանի հետ»:
Վրաստանում նոր ուժերի հաղթանակից հետո այս երկու բանագնացները զբաղվում են ռուս - վրացական խաթարված հարաբերությունները վերականգնելու ուղղությամբ:
Պրահա մեկնելուց առաջ Աբաշիձեն ասել է. - «Տեղեկատվական տեսանկյունով մենք պետք է առավելագույնս օգտագործենք նմանատիպ հանդիպումները: Բնականաբար, մենք սուր հարցեր ենք բարձրացնում, որոնք անհանգստացնում են մեզ: Նկատի ունեմ օկուպացիայի շփման գծի իրավիճակն ու այլ խնդրահարույց հարցեր»:
Նրա փոխանցմամբ՝ պլանավորվել է քննարկել նաև ռուսական ինքնաթիռների կողմից Վրաստանի օդային տարածքը խախտելու դեպքերը:
Ապրիլի 10-ին Վրաստանի արտգործնախարարությունը հաղորդել էր, որ ռուսական Ան-2 ինքնաթիռը երկու անգամ խախտել է Վրաստանի օդային տարածքը՝ թռիչքներ կատարելով Վրաստանի սահմանային պահակակետերի ու գյուղերի վրայով: Վրաստանի արտգործնախարարությունը բողոք էր հայտնել՝ Եվրամիության դիտորդական առաքելությանը կոչ անելով արձագանքել այդ միջադեպերին:
Պրահայում այսօր կայանալիք վրաց - ռուսական շփումները կլինեն երկու կողմերի թվով վեցերորդ հանդիպումը: Այն նախատեսվում էր անցկացնել մարտի սկզբին, բայց մի քանի անգամ հանդիպման ժամկետները հետաձգվեցին՝ հասնելով մինչև ապրիլի կեսերը:
«Մենք Ռուսաստանի հետ դիվանագիտական հարաբերություններ չունենք, ուստի այս երկկողմ, ոչ պաշտոնական երկխոսության շրջանակներում քննարկում ենք կոնկրետ, գործնական շատ հարցեր: Այդպիսի հարցեր շատ են կուտակվել, և մենք հուսով ենք՝ հանդիպմանը կփորձենք լուծել դրանք» , - «Նովոստի - Գրուզիա» լրատվական գործակալության փոխանցմամբ՝ ասել է Զուրաբ Աբաշիձեն:
Ռուս - վրացական հարաբերությունների կարգավորմանն է անդրադարձել նաև Վրաստանի արտգործնախարարը: Գերմանական Die Welt-ի հարցազրույցում Մայա Փանջիկիձեն հիմնականում խոսել է Եվրամիությանը և ՆԱՏՕ-ին մերձենալու Վրաստանի ձգտումների մասին ու նաև նշել, որ Վրաստանը միաժամանակ նպատակադրված է նորմալացնելու հարաբերությունները Ռուսաստանի հետ:
«ՆԱՏՕ-ին անդամակցելու Վրաստանի ձգտումները պետք չէ ընկալել որպես Ռուսաստանի դեմ ագրեսիայի դրսևորում: Ռուսաստանը շարունակում է Վրաստանի վրա բավականին ուժեղ ճնշում գործադրել, սակայն մենք մեր կողմից հնարավորն անում ենք՝ թուլացնելու լարվածությունը Ռուսաստանի հետ հարաբերություններում», - հավաստիացրել է Վրաստանի արտգործնախարարը՝ ընդգծելով. - «Մենք չենք ընդհատում երկխոսությունը Ռուսաստանի հետ»: