Մատչելիության հղումներ

Սննդամթերքի անվտանգության ծառայությունը չի կարողանում վերահսկել տեղական բանջարեղենը


Սննդամթերքի անվտանգության ծառայությունը չի կարողանում վերահսկել տեղական բանջարեղենը
please wait

No media source currently available

0:00 0:03:09 0:00

Պարզվում է, որ դրսից ներկրված բանջարեղենը ավելի անվտանգ է, քան Հայաստանում արտադրվածը, քանի որ տեղական արտադրանքի դեպքում վերահսկողությունը լիարժեք չէ:

Սննդամթերքի անվտանգության պետական ծառայության Բուսասանիտարիայի տեսչության պետ Արթուր Նիկոյանի խոսքով, այսօր մեր շուկայում վաճառվող պտուղ-բանջարեղենի միայն փոքր մասն է ստուգման ենթարկվում:

«Եթե համեմատության մեջ դնենք տեղում արտադրվածը և դրսից ներկրվածը, ասեմ, որ ներկրվածը մեզ համար ավելի վերահսկելի է: Ինչ վերաբերում է տեղական արտադրությանը՝ պատկերացրեք, ինչպե՞ս կարելի է ամեն մի գյուղացու արտադրանքի հետևից գնալ»

Թեև Սննդամթերքի անվտանգության պետական ծառայության ներկայացուցիչն ասում է, որ տեղական բանջարեղենի այն մասում, որը ստուգման է ենթարկվել, որևէ շեղում չի հայտնաբերվել:

Ինչ վերաբերում է ձմերուկին՝ Արթուր Նիկոյանն ասում է՝ ստուգումների արդյունքում պարզել են, որ որոշ խմբաքանակներում պեստիցիդների քանակը գերազանցել է նորման, սակայն օրենքով որևէ պատիժ նախատեսված չէ այն անձի համար, ով նման ապրանք է իրացրել:

Ագրարային համալսարանի բուսաբուծության և բանջարաբուծության ամբիոնի վարիչ Անդրիաս Մելիքյանը նշում է, որ աշխարհի շատ երկրներում բանջարեղենը ստուգվում է և համապատասխան փաստաթղթերում նշվում դրա ծագման վայրը, բաղադրությունը, անգամ մշակման տեխնոլոգիան, մինչդեռ Հայաստանում սպառողը գրեթե ոչինչ չգիտի իր օգտագործած բանջարեղենի մասին:

«Օրինակ ատոմակայանի մերձակայքում աճեցվածը, կամ ավելի հեռվում աճեցվածը, կամ՝ այնպիսի վայրերում, որտեղ հանքարդյունաբերությունը ուժեղ զարգացած է, և այլ վայրերում․․․ բնական է, որ տարբեր կլինեն և՛ այդ բանջարեղենի քիմիական կազմը, և՛ դրանց որակը: Իսկ ո՞վ կարող է ասել, այսօրվա մեր վաճառակետերում կոնկրետ որտեղի՞ց է ապրանքը եկել», - ասում է Մելիքյանը:

Ուղիղ հեռարձակում

XS
SM
MD
LG