Մատչելիության հղումներ

Երևանը դատապարտում է Դեյր էլ Զորի հայկական եկեղեցու պայթեցումը


Министр иностранных дел Армении Эдвард Налбандян (архив)
Министр иностранных дел Армении Эдвард Налбандян (архив)

Այս զարհուրելի բարբարոսությունը կրկին անգամ ցույց է տալիս «Իսլամական պետության» էությունը, - ընդգծում է արտգործնախարար Էդվարդ Նալբանդյանը:

Պաշտոնական Երևանը այսօր խստորեն դատապարտել է Սիրիայի տարածքում Դեյր էզ Զորի Սրբոց Նահատակաց հայկական եկեղեցու պայթեցումը ահաբեկիչների կողմից:

«Խստորեն դատապարտում ենք Հայոց Ցեղասպանության զոհերի հիշատակին նվիրված, Մեծ Եղեռնի բազմաթիվ նահատակների մասունքներն ամփոփող Դեյր էզ Զորի Սրբոց Նահատակաց հայկական եկեղեցու պայթեցումը ահաբեկիչների կողմից», - հայտարարել է արտգործնախարար Էդվարդ Նալբանդյանը:

«Սրբավայրի հանդեպ այս զարհուրելի բարբարոսությունը կրկին անգամ ցույց է տալիս այսպես կոչված «Իսլամական պետություն» ահաբեկչական խմբավորման վայրագ էությունը», - ընդգծել է Հայաստանի արտաքին քաղաքական գերատեսչության ղեկավարը:

Հայտարարությունում, որի տեքստը հրապարակել է Արտգործնախարարության մամուլի և տեղեկատվության վարչությունը, Նալբանդյանը համոզմունք է հայտնել, որ «միջազգային հանրությունը պետք է անհապաղ կանգնեցնի, ամրատախիլ անի քաղաքակիրթ մարդկությանը սպառնացող այդ ժանտախտը, կտրի դրա սնուցման, ֆինանսավորման, աջակցության, հովանավորման ուղիները»:

Ուղիղ հեռարձակում

XS
SM
MD
LG