Մատչելիության հղումներ

Ծննդատներում մայրերին «համոզում ու պարտադրում են» արհեստական կաթնախառնուրդ տալ երեխաներին


Ծննդատներում մայրերին «համոզում ու պարտադրում են» արհեստական կաթնախառնուրդ տալ երեխաներին
please wait

No media source currently available

0:00 0:04:18 0:00

Ծննդատներում մայրերին «համոզում ու պարտադրում են» արհեստական կաթնախառնուրդ տալ երեխաներին

«Վստահություն» հասարակակական կազմակերպությունը ներկայացնող մանկաբույժ Սուսաննա Հարությունյանը «Ազատության» հետ զրույցում նշեց, որ վերջին տարիներին ծննդատներում ու հիվանդանոցներում արհեստական կաթնախառնուրդների խրախուսումը մեծ տարածում է գտել: Իրենք, ամեն դեպքում, բազմաթիվ բողոքներ են ստացել մայրերից:

Հարությունյանը համոզված է, որ պատճառը առևտրային շահն է․ - «Կաթնախառնուրդ արտադրող ընկերությունները շատ հակված են «համագործակցելու» բժիշկների հետ: Կաթնախառնուրդների բիզնեսը աշխարհում հայտնի արդյունավետ բիզնեսներից է, որովհետև կաթնախառնուրդի հումքը շատ էժան է, սակայն կաթնախառնուրդը բավականին թանկ է մեկ երեխային մինչև մեկ տարեկանը բավարարելու համար: Միջինը երկու հազար դոլարին համարժեք դրամ է անհրաժեշտ»:

Նրա խոսքով՝ կաթնախառնուրդ ներկրողները գնում են տարբեր հնարքների․ մեկ-երկու բաժին կաթնախառնուրդն անվճար տրամադրելուց մինչև բժիշկներին «խրախուսելը», որպեսզի վերջիններս հենց այդ տեսակը նշանակեն երեխաներին: Արդյունքում ներմուծողները մեծ շահույթ են ստանում, իսկ երեխաները տուժում են․ - «Մինչև վեց տարեկան արհեստականորեն սնվող երեխաների մահված հավանակությունը 14 անգամ ավելի մեծ է, քան բացառապես կրծքով սնվողներինը»:

«Ազատության» հետ զրույցում ասաց ներկայանալ չցանկացած երիտասարդ մի կին պատմեց․ - «Առաջին կերակրումից հետո ինձ հասկացրեցին, որ կաթը քիչ է, իմ բալիկին չի բավականացնի, որ ինքը կհիվանդանա․․․ ու այնպես համոզիչ, որ նոր ծննդաբերած ցանկացած մայր կազդվի: Ես, անփորձ լինելով, չմտածելով, որ դրա հետևում մի մեծ բան է թաքնված, տվեցի ու շատ սխալ արեցի: Քանի որ դրանից չորս ամիս հետո իմ բալիկը կրծքի կաթ այլևս չէր ուտում»:

Երիտասարդ կնոջ պնդմամբ՝ ծննդատունը համագործակցում է կաթնախառնուրդ ներկրող ընկերության հետ․ - «Նույն այդ աղջիկը, որ ինձանից մի օր առաջ էր ծննդաբերել, նույն ապրանքանիշի, նույն արհեստական կերն էր տալիս իր բալիկին, քանի որ բուժանձնակազմը ասել էր, որ դա պարտադիր է»:

Խնդրին ծանոթ են նաև Մարդու իրավունքների պաշտպանի գրասենյակում: Օմբուդսմենի սոցիալ-տնտեսական հարցերով տեղակալ Տաթևիկ Խաչատրյանի փոխանցմամբ՝ բողոքներն ավելի հաճախակի են դարձել հատկապես վերջին տարիներին:

«Մանկական բժիշկը հատկապես դուրս է գրում երեխաների այն կերակուրները, որոնք ներմուծում է որոշ ընկերություն: Հետագայում պարզվում է, որ նրանք համաձայնության մեջ են եկել, և ուղղակի այդ բժիշկը կարող է գովազդել կոնկրետ այդ ներմուծող ընկերությունը», - նշեց Խաչատրյանը:

Արհեստական կաթնախառնուրդները գովազդողների և խրախուսողների նկատմամբ պատժամիջոցներ նախատեսող «Կրծքով սնուցումը խրախուսելու մասին» օրենքը Ազգային ժողովում հաստատվել է առաջին և երկրորդ ընթերցումներով, սակայն երրորդ՝ վերջնական ընթերցմանը չի հասնում:

Սուսաննա Հարությունյանը համոզված է, թե ձգձգման պատճառն այն է, որ օրինագիծը հակասում է որոշ գործարար պատգամավորների շահերին:

Առողջապահության նախարարությունից «Ազատությանը» փոխանցեցին, որ միայն վերջերս՝ հասարակական կազմակերպությունների ներկայացուցիչները հետ հանդիպման ժամանակ են լսել խնդրի մասին, և նախատեսում են քննարկել հարցը:

Ուղիղ հեռարձակում

XS
SM
MD
LG