Մատչելիության հղումներ

Ռուստամյան․ «Չի կարելի հայհոյանքներ տեղալ ու մտածել, որ դա կմնա անպատասխան»


Ռուստամյան․ - «Չի կարելի հայհոյանքներ տեղալ ու մտածել, որ դա կմնա անպատասխան»
please wait

No media source currently available

0:00 0:01:38 0:00

Դաշնակցություն խմբակցության ղեկավար Արմեն Ռուստամյանից լրագրողներն այսօր փորձեցին պարզել, թե ինչի՞ հասան իշխող Հանրապետականի հետ համատեղ դատապարտող հայտարարությամբ, երբ Ոստիկանության զորքերի հրամանատար Լևոն Երանոսյանը կրկին շարունակում է սպառնալից հայտարարություններ անել:

Երեկ Երանոսյանը «Ժողովուրդ» օրաթերթի հետ զրույցում կրկին սպառնացել է․ - «Ես իմ խոսքը պնդում եմ, եթե որևէ մեկը կա էդքան տղա, իմ ներկայությամբ, դեմս նստած, փորձի գերագույն հրամանատարի հասցեին որևիցե մի բան ասի, գլուխը կջարդեմ ու չգիտեմ՝ կհասնի՞ իր էրեխեքին, թե՞ չէ»:

Ռուստամյանն այսօր հետևյալ կերպ հակադարձեց Ոստիկանության զորքերի հրամանատարի այս հայտարարությանը․ - «Եթե Երանոսյանը չի հասկացել, թե Ազգային ժողովը ինչ դեր ունի այս երկրում և չի կարելի Ազգային ժողովին հակադրվել, ուրեմն իսկապես, եթե ինքը որոշել է գլուխ ջարդել, իր գլուխը կարող է ջարդվել»:

Անդրադառնալով երեկ խորհրդարանի ամբիոնից Սեյրան Սարոյանի (ՀՀԿ) հնչեցրած հայտարարությանը, որով գեներալն արդարացնում էր Արամ Մանուկյանի դեմ բռնությունները, քանի որ վերջինս հայհոյել էր երկրի ղեկավարին՝ Արմեն Ռուստամյանն ասաց․ - «Չի կարելի հայհոյանքներ տեղալ և մտածել, որ դա կմնա անպատասխան: Կարծում եմ, որ մենք պիտի հասկանանք, որ հայ ժողովրդի մենթալիտետն այդպիսին է»:

Հավելենք, որ Արմեն Ռուստամյանը հերքեց շրջանառվող տեղեկությունները, թե առաջիկայում Դաշնակցությունը կարող է հանրապետականի հետ կոալիցիա կազմել, իսկ դաշնակցական Արա Նռանյանն էլ փոխնախարարի պաշտոն ստանալ:

XS
SM
MD
LG