Մատչելիության հղումներ

Տարին բարենպաստ չէր արտագնա աշխատանքի մեկնողների համար


Արտագնա աշխատանքի մեկնողները օդանավակայանում, արխիվ
Արտագնա աշխատանքի մեկնողները օդանավակայանում, արխիվ

Խոպանչիները սկսել են ետ վերադառնալ Ռուսաստանի Դաշնությունից։ Այս տարին նրանց համար բարենպաստ չէր։ Սկզբում մեծ դժվարությամբ կարողացան մեկնել արտագնա աշխատանքի՝ ՌԴ-ում միգրացիոն օրենքների խտացման պատճառով, հիմա էլ, երբ ետ են վերադարձել, վաստակած գումարն է արժեզրկվել։

Շիրակի մարզի Անուշավան համայնքի 2200 բնակիչ 600-ը սեզոնային արտագնա աշխատանքի է մեկնում։ Գյուղացիները «Ազատության» հետ զրույցներում ասում էին, որ հող մշակելով տուն պահել հնարավոր չէ։

«Մինիմալ եկամուտ է, հնարավոր չէ չգնալ»,- ասաց անուշավանցիներից մեկը.- «Ես անձամբ գնում-գալիս եմ 5-6 ամսով, նաև՝ գյուղի մեծամասնությունը»։

«Ես եկող տարի ընդհանրապես գնալու եմ, թոշակառու եմ, էնքան թոշակ չենք տալիս, որ մեր գոյությունը պահենք։ Ուրեմն պիտի գնաս, ապրուստի ուրիշ միջոց գտնես»,- ասում էր մեկ ուրիշը։

Քանի դեռ հողից գյուղացին եկամուտ չի ստանում, ստիպված է խոպան գնալ, գումար աշխատել, որ դրանով վարկը մարի, տունը պահի ու շատ, թե քիչ հող մշակի։ Անուշավանի համայնքապետ Երվանդ Հակոբյանն ասում է, որ գյուղը գոյատևում է դրսից ուղարկված գումարների հաշվին։

«Գյուղը գոյատևում է արտագնա աշխատանքների մեկնողների հաշվին։ Հիմա շատ ցավալի է, որ ռուբլին արժեզրկվում է։ Եթե ռուբլու վիճակը չկարգավորվի, ճգնաժամ է լինելու»,- ասաց գյուղապետը։

Տարին բարենպաստ չէր արտագնա աշխատանքի մեկնողների համար
please wait

No media source currently available

0:00 0:04:46 0:00
Ուղիղ հղում

Ուղիղ հեռարձակում

XS
SM
MD
LG