Մատչելիության հղումներ

Վանաձորում հոսանքի թանկացման դեմ պայքարը չի մարել․ ակտիվիստ


Վանաձորում հոսանքի թանկացման դեմ պայքարը չի մարել․ ակտիվիստ
please wait

No media source currently available

0:00 0:02:01 0:00

Թեև Վանաձորում հոսանքի թանկացման դեմ բողոքի ցույցերը մարեցին, երբ «Ո՛չ թալանին» նախաձեռնության անդամները Երևանի Բաղրամյան պողոտայից տեղափոխվեցին Ազատության հրապարակ, սակայն ակտիվիստ Արտաշես Սերգոյանն ասում է՝ Վանաձորում պայքարը չի մարել:

«Էսօր մենք չենք տեսնում հրապարակում այդ 600 կամ 400 մարդը, բայց ամեն առավոտ կարող է արթնանանք ու տեսնենք Վանաձորի կենտրոնական փողոցներում՝ գիշերը, հավանաբար, մարդիկ ինչ-որ գրառումներ են արել, իրենց պայքարի ձայնն են բարձրացրել», - ասաց Սերգոյանը:

Թեև Վանաձորի հրապարակում այլևս չեն հավաքվում, Արտաշեսը նշում է, որ իր ակնկալիքները մասամբ արդարացան: Մեծ ցանկություն ուներ, որպեսզի Վանաձորում իրենց իրավունքների համար փողոց դուրս գալու մշակույթ ձևավորվեր․ - «Որպեսզի քաղաքացին կարողանա նաև իր իրավունքից օգտվի, հստակ նման ակնկալիք ունեի, ու կարծում եմ ինչ-որ չափով հասանք դրան»:

29-ամյա ակտիվիստը, ով օրեր շարունակ Վանաձորում մասնակցել է բողոքի ցույցերին, վստահ է՝ էլեկտրաէներգիայի թանկացման դեմ պայքարը շարունակվում է նաև Երևանում:

«Ես կարծում եմ՝ հիմա իրենք ուղղակի երկու հարթակում են պայքարում․․․ Ես դրան որպես բաժանում չեմ նայում․․․ Պատրաստ կլինեն նաև գնալ Երևան», - նշում է ակտիվիստը:

Անդրադառնալով ՀԷՑ-ում աուդիտի անցկացմանն՝ ասաց, որ դա իրենց ներկայացրած երեք պահանջներից մեկի մի մասն է միայն․ - «Պետք է շեշտեմ նաև՝ աուդիտի անցկացումը շատ կարևորում էի ես: Ես հիմա խիստ կասկածում եմ՝ արդյոք ռուսական կազմակերպություն չի անցկացնելու աուդիտը: Ու ես, կներեք, բայց չեմ վստահում ռուսական կազմակերպություններին էսպիսի քաղաքական կոնտեքստ ունեցող հարցերի շուրջ, որովհետև էս պրոցեսը արդեն քաղաքական կոնտեքստ ստանում է»:

Արտաշեսն աշխատում է «Խաղաղության երկխոսություն» կազմակերպությունում, ցույցի օրերին աշխատանքին զուգահեռ հասցնում էր նաև մասնակցել հոսանքի թանկացման դեմ քննարկումներին, իրազեկման աշխատանքներին, ապա նաև՝ ամեն երեկո մինչև կեսգիշեր տեղի ունեցող բողոքի ցույցերին:

Այսօր էլ պատրաստ է Վանաձորում ցույց լինելու դեպքում փողոց դուրս գալ, ասում է՝ իրենց պահանջները դեռ չեն բավարարվել:

Ուղիղ հեռարձակում

XS
SM
MD
LG