Եվրոյի գոտու երկրների գագաթնաժողովում միաձայն որոշում է կայացվել Հունաստանի հարցում: Քիչ առաջ Թվիթերի իր միկրոբլոգում այսպիսի գրառում է կատարել Եվրոպական խորհրդի նախագահ Դոնալդ Տուսկը, փոխանցում է CNN-ը:
Շուրջ մեկ շաբաթ տևած անընդմեջ և դրամատիկ բանակցություններից հետո 19 երկրները ի վերջո համաձայնության եկան Հունաստանը փրկելու հարցում:
Միջազգային դոնորների առջև հսկայական պարտավորություններ կուտակած Հունաստանը, որը հայտնվել էր եվրոյի գոտին լքելու իրական վտանգի առջև, այս նոր համաձայնությամբ տնտեսությունում համակարգային բարեփոխումներ է հանձն առել:
Մասնավորապես, Աթենքը պարտավորվել է բարեփոխել կենսաթոշակային համակարգը, էներգետիկ, աշխատանքային և ապրանքային շուկաներն ու ընդլայնել սեփականաշնորհման ծրագրերը:
Մանրամասները՝ այսօր ավելի ուշ