The Times-ի փոխանցմամբ, Ֆալլոնն ասել է, որ բրիտանացիների դուրս գալը ԵՄ-ից մեծ վնաս կհասցնի Արևմուտքի անվտանգությանը։ Նրա խոսքով, դաշնակիցներին խիստ մտահոգում է ԵՄ-ից Բրիտանիայի հնարավոր դուրս գալու հեռանկարը, որը հնարավոր է ամռանը կայանալիք հանրաքվեով։
Ֆալլոնի հայտարարությանը խիստ մեկնաբանությամբ պատասխանել է Brexit-ի [այդպես են արևմտյան մամուլում անվանում ԵՄ-ից Բրիտանիայի դուրս գալու գործընթացը] մեծ ջատագով Իեն Դունքան Սմիթը․ - «Լավագույն նվերը «Իսլամական պետությանը» Եվրոպայի բաց սահմանների քաղաքականությունն է: Այն ահաբեկիչներին ընձեռել է Եվրոպա սողոսկելու և գրոհներ իրականացնելու հնարավորություն: Մեր անդամությունը ԵՄ-ին միայն խոցելի են դարձրել մեր վիճակը, ինչը նշանակում է, որ մենք անպաշտպան ենք Մեծ Բրիտանիա նման մարդկանց մուտքն արգելելու հարցում»։
Սմիթի պնդմամբ, Բրիտանիայի պաշտպանության հիմքը ՆԱՏՕ-ի և ամերիկացիների պատկան ծառայությունների համագործակցությունն է։