«Ազատություն» ռադիոկայանԿայքերը՝ ըստ լեզուների
Գլխավոր թեմաներ.
«Ազատություն» ռադիոկայանը հեռարձակվում է 28 լեզուներով: Մեր ծրագրերը հասանելի են տեղական ռադիոհաճախություններով, արբանյակային հեռարձակմամբ եւ ինտերնետով: Հեռարձակումները ռադիո կամ արբանյակային ընդունիչով որսալու համար ծանոթացեք այս էջում ներկայացվող տեղեկատվությանը:


Շաբաթ, Ապրիլ 19, 2014 Ժամանակը Երեւանում 21:01

Տեսանյութեր

Վահան Տերյան. սիրո բանաստեղծi
|| 0:00:00
...
 
🔇
X
19.04.2012
Սիրահարվե՞լ եք, ուրեմն սիրել եք Տերյանի քնարերգությունը, փնտրել այնտեղ սիրո գաղտնիքները։ Սակայն մեծ բանաստեղծը ոչ միայն սիրերգակ, այլ նաեւ սեփական ժողովրդի հոգսերով ապրող հասարակական գործիչ էր։ Բանաստեղծի խոհերն ու զրույցները, թվում է` հենց այսօրվա մասին են: Ձեր սիրո բանաստեղծն ու իր սիրո պատմությունը «Ազատություն TV»-ի եթերում:

Վահան Տերյան. սիրո բանաստեղծ

Հրապարակված է 19.04.2012

Սիրահարվե՞լ եք, ուրեմն սիրել եք Տերյանի քնարերգությունը, փնտրել այնտեղ սիրո գաղտնիքները։ Սակայն մեծ բանաստեղծը ոչ միայն սիրերգակ, այլ նաեւ սեփական ժողովրդի հոգսերով ապրող հասարակական գործիչ էր։ Բանաստեղծի խոհերն ու զրույցները, թվում է` հենց այսօրվա մասին են: Ձեր սիրո բանաստեղծն ու իր սիրո պատմությունը «Ազատություն TV»-ի եթերում:


Ֆորումը փակված է:
Մեկնաբանությունները
Մեկնաբանություններ
     
Իրեն , : Կիրովական
15.05.2012 00:07
+0 / -0
Առանց մեկնաբանության:
Միայն Շնորհակալություն:

Արշակ , : Սրապիոնյան
06.05.2012 17:58
+0 / -0
Կանցնի եւս հարյուր տարի, եւ մենք, վախենամ, թե մնանք անհաղորդ այն բացարձակ ճշմարտությանն, որն հնչում է բանաստեղձի շուրթերից: Մնանք ավերակված հոգիներով եւ արժանապատվությամբ, եւ այդ ամենը չընկալելու չափ տգետ, քանզի մեր “արքայական” լեզուն արհամարհելու եւ իրական արժեքների աշխարհում կողմնորոշվելու առումով այսօր գավառական ենք նույնքան, ինչքան հարյուր տարի առաջ:
Ի դեմս Տերյանի, մեր առջեւ հառնում է հզոր հայ մտավորականը, գուցե եւ ամենահզորը: Իր կենսախինդ (ոչ երբեք լալկան, կամ թախծոտ) պոեզիայով եւ իր ճշգրիտ աշխարհընկալմամբ նա անչափելի մեծություն է:
Շնորհակալություն ֆիլմի համար:

Խաչատուր Տերտերյան , : Երեւան
21.04.2012 22:18
+0 / -0
Ֆիլմը հրաշալի էր: Շնորհակալություն: Միայն հայերենի հետ կապված մի խնդրի մասին - Հիմա ո՞ր դեպքում է ճիշտ՝ երբ Էմին-Տերյանը շնորհակալություն է հայտնում դերասան Մխիթարյանից, թե՞ ռեժիսոր Գրգորյանին: Իհարկե, երկրորդն է ճիշտ...

Գրիգոր Էմին-Տերյան , : Երևան
20.04.2012 20:57
+0 / -0
«Ազատություն» ռադիոկայանի հայկական ծառայությունն արեց այն, ինչը չարեցին Հայաստանի թե կոմունիստական, թե հետկոմունիստական իշխանությունները: Չարեցին նոյնիսկ այն ժամանակ, երբ պետական մակարդակով տոնում էին Վահան Տերյանի 100 և 125-ամյակները: Չարեցին՝ ունենալով անհամեմատ մեծ հնարավորություններ:

Բոլորի կողմից սիրված բանաստեղծի մասին պատմող այսպիսի սրտամոտ ֆիլմի անհրաժեշտությունը միշտ էլ զգացվում էր: Այդ պահանջն այսօր ավելի է սրվել, երբ ամենքը խոսում են հայկական արվեստում և իրականության մեջ դրական հերոսների բացակայության մասին: Իսկ Վահան Տերյանը հենց այն դրական հերոսն է, որի կյանքի և գործունեության օրինակով կարելի է և պետք է դաստիարակել նոր սերնդին:

Նրա ամեն ինչն իսկական էր՝ հայրենասիրությունը, գիտելիքները, տաղանդը, սկզբունքայնությունը, ազնվությունը և շիտակությունը, համեստությունը, անշահախնդրությունը, նրբազգացությունը, նվիրվածությոuնն իր ժողովրդին և ընկերներին: Նաև հարգանքն ու սերը կնոջ հանդեպ: Իսկ նրա վերջին սիրո՝ Անահիտի նվիրվածության և անձնազոհության պատմությունը վաղուց արդեն էկրանավորված կլիներ, եթե Տերյանը այլազգի լիներ: Մինչդեռ հայկական մեր իրականության մեջ, բանաստեղծի մահվանից հետո փաստացի արգելանք էր դրված Անահիտի վրա՝ չէր կարելի ասել, որ նա ամուսնացած է եղել Վահան Տերյանի հետ: Այդպես էր ցանկացել պոետի առաջին կինը՝ Սուսաննա Պախալովան, որը 1921 թվականին ամուսնացել էր Հայաստանի ղեկավար Մյասնիկյանի հետ…

Առաջին հայ գրականագետը, ով 1985 թվականին հաղթահարեց այդ տաբուն, լուսահոգի Հրանտ Թամրազյանն էր: Իսկ նրա որդին՝ Հրայր Թամրազյանը՝ «Ազատություն» ռադիոկայանի հայկական ծառայություն ղեկավարը, այս ֆիլմի նախաձեռնողն ու համահեղինակն է:

Շնորհակալություն, Հրայր, որ դու քո առօրյա անչափ շատ հոգսերի և գործերի մեջ չես մոռանում հայ գրականության մեծերին:

Իմ խորին շնորհակալությունն եմ ցանկանում հայտնել նաև ֆիլմի համահեղինակ, սցենարի հեղինակ Գայանե Դանիելյանին, որն իր ամենօրյա լրագրողական աշխատանքի հետ զուգընթաց կարողացավ խորանալ տերյանագիտության մեջ և «թացը չորից ջոկել»:

Հատկապես շնորհակալ եմ դերասաններ Արտաշես Մխիթարյանից և Նարինե Գրիգորյանից, որոնք այդպիսի սիրով և վարպետությամբ կարողացան մարմնավորել իմ պապիկի և տատիկի կերպարները:

Շնորհակալ եմ ռեժիսոր և օպերատոր Լևոն Գրիգորյանին, ռեժիսոր և համակարգչային մոնտաժն իրականացրած Հայկ Մարգարյանին:

Գրիգոր Էմին-Տերյան