Րաֆֆի Հովհաննիսյանի հետընտրական հանդիպումը Էջմիածնում
Արմավիրի մարզի Էջմիածին քաղաքում կայացած հանդիպման ժամանակ Րաֆֆի Հովհաննիսյանը փոխանցեց, որ առավոտյան հանդիպում է ունեցել Ռուսաստանի դեսպան Վյաչեսլավ Կովալենկոյի հետ։ «Այս առավոտ ես հանդիպեցի Ռուսաստանի դեսպանին եւ շարադրեցի, որ «հարգում եմ բոլորին, եւ առաջին հերթին ձեզ` Ռուսաստան, հասկանում ենք` ինչ է նշանակում Ռուսաստան, Չինաստան, Ամերիկա, բայց հայ ժողովուրդը այլեւս չի վախենում, մենք չենք վախենում ո'չ Ամերիկայից, ո'չ Ռուսաստանից, ո'չ Չինաստանից, ո'չ Եվրոպայից, ճանաչե'ք հայ ժողովրդի իրավունքը», - ասաց «Ժառանգության» առաջնորդը։
